ओली होइन ओली प्रवृत्तिका कारण लोकतन्त्र र संविधान संकटमा : नेपाल



काठमाडौँ : नेकपा प्रचण्ड-नेपाल’ समूहका अध्यक्ष माधवकुमार नेलालले ओली भन्दा ओली प्रवृत्तिले अहिलेको समस्या निम्तिएको बताएका छन् ।

प्रतिनिधिसभा विघटनविरुद्ध भएको नागरिक समाजसँगको अन्तक्रिया उनले ओली प्रवृत्तिकै कारण लोकतन्त्र र संविधान खतरामा पुगेको आरोप लगाए ।

‘प्रधानमन्त्री ओलीले गर्दा अहिलेको समस्या आएको होइन । ओली प्रवृत्तिले समस्या निम्त्याएको हो । केपी प्रवृत्तिले लोकतन्त्र र संविधानमा समेत धावा बोलेको छ’ उनले भने, ‘ओली प्रवृत्तिकै कारणले अहिलेसम्म प्राप्त उपलब्धि संकटमा पुगेको छ ।’

प्रधानमन्त्री ओलीले पार्टीको विधि र पद्धतिमा नचलेको कारणले पार्टीमा समस्या भएको उनले बताए । प्रधानमन्त्री ओलीको प्रतिगमनकारी कदमविरुद्ध सबै एकजुट भएर लाग्न समेत उनले आग्रह गरे ।
नेपालले आफूलाई पार्टी एक रहँदा ओलीले खेदेको खेदै गरेको पनि बताए । देश डुब्न लाग्यो भन्ने संसदमा दिएको अभिव्यक्तिपछि ओलीले खेदेको उनको भनाइ छ । उनले पार्टीभित्रको धेरै पीडा बोकेर आफू हिँडेको बताए । आफ्नो पीडा पोख्ने ठाउँ पनि नपाएको उनको भनाइ छ ।

जनतालाई आश्वस्त तुल्याउन सुझाव

कार्यक्रममा नेकपाका शीर्ष नेताहरूलाई माफ मागेर जनतालाई आश्वस्त तुल्याउन नागरिक अगुवाहरूले सुझाव दिए ।

उनीहरूले नेकपाको विभाजित घटककै ब्यानरमा जनता सडकमा आउन मुस्किल हुने टिप्पणी गरे । पार्टी एकतायता नेकपाका तर्फबाट भएका कमीकमजोरी, गल्तीप्रति जनता सामु माफी माग्नुपर्ने उनीहरुले धारणा राखे ।

सरकार गठनयता नेकपाको काम नै झगडा सिर्जना गर्ने र मुलुकलाई त्यसैमा अल्झाउने भएकाले पार्टीको कलहका कारण प्रधानमन्त्रीले असंवैधानिक कदम चाल्न पुगेको बुझाइ जनतामा रहेको अगुवाहरूले बताए ।

अन्तरक्रियामा वरिष्ठ अधिवक्ता हरिहर दाहालले कम्युनिस्ट पार्टीको ब्यानरबाट आन्दोलनको उभार आउन नसक्ने बताए । उनले नेकपाले तयारी गरिरहेको आन्दोलनको गन्तव्य सत्ता प्राप्ति हो भन्ने भान किञ्चित पनि पार्न नहुनेमा जोड दिए ।

नागरिक अगुवा कृष्ण पहाडीले नेकपाभित्र द्वैध मनोदशा रहेको औँल्याए । नेकपा शीर्ष नेतृत्व प्रधानमन्त्रीको कदम असंवैधानिक, प्रतिगामी हो भनेर सडकमा आइसक्दा पनि केपी ओली पार्टीको सचिवालय, स्थायी कमिटी र केन्द्रीय कमिटीमा राखिरहनुले आन्दोलनमा शङ्का, संशय र प्रश्न तिनै चिज जन्माएको उनको ठहर थियो ।

अख्तियार दुरूपयोग अनुसन्धान आयोगमा पूर्वप्रमुख आयुक्त सूर्यनाथ उपाध्यायले संसद् विघटनप्रति बोल्नुपर्ने समुदायले पनि मौनता साँधेको बताए । उनले हिजो ‘संविधानको निर्माता हुँ’ भन्नेहरू पनि अहिले चुप लागिरहेको र पदको अभिलाषाले तिनको चेतनालाई बन्धक बनाइदिएको टिप्पणी गरे ।

राष्ट्रिय मानवअधिकार आयोगकी सदस्य मोहना अन्सारीले संविधानको मात्र नभई जनमतको रक्षाका लागि पनि सडक सङ्घर्षमा आउनुपर्ने आवश्यकता रहेको बताइन् ।

प्रकाशित :२३ पुष, २०७७

प्रतिक्रिया दिनुहोस्
मुख्य समाचार

काठमाडौं : म्यानमारमा भएको नरसंहारको विरोधमा ललितपुरस्थित म्यानमारको दूतावास अगाडि प्रदर्शन भएको छ । वृहत

काठमाडौँ : नेकपा प्रचण्ड–माधव समूहको संसदीय दलको बैठक शुक्रबार बस्दै छ । बैठक दिउँसो १

काठमाडौँ : एसीड आक्रमणमा परेकी वीरगंज निवासी मुस्कान खातुनले अन्तर्राष्ट्रिय साहसी महिला (आइडब्ल्युओसी) पुरस्कार पाउने

एजेन्सी : टर्कीमा सेनाको हेलिकोप्टर दुर्घटना हुँदा ११ जनाको मृत्यु भएको छ । दक्षिण पूर्वी

काठमाडौँ : विकसित राजनीतिक घटनाक्रममा कसरी अघि बढ्ने भन्ने विषयमा कांग्रेस अझै अनिर्णित नै छ

काठमाडौं । प्रधानमन्त्री केपी शर्मा ओली नेतृत्वको नेकपा संसदीय दलको बैठकका लागि नेकपाका अध्यक्ष पुष्पकमल

काठमाडौं– नेपाली कांग्रेसका केन्द्रीय सदस्य प्रदीप पौडेलले छिट्टै निर्वाचन गर्ने सहमतीका साथ ओली बाहेकका शक्तिहरु

काठमाडौं– जनता समाजवादी पार्टी, नेपालका अध्यक्ष उपेन्द्र यादवले वर्तमान राजनीतिक समस्या समाधानका निम्ति निर्वाचन आयोगले

काठमाडौँ । सरकारले नेत्रविक्रम चन्दको नेतृत्वमा रहेको नेपाल कम्युनिष्ट पार्टीमाथि लगाएको प्रतिबन्ध फुकुवा गरेको छ

गुल्मी : गुल्मीको भाडगाउँमा युवतीको हत्या अभियोगमा पक्राउ परेका व्यक्तिलाई प्रहरीले सार्वजनिक गरेको छ ।

काठमाडौं : राजनीतिक रूपमा विभाजन भइसकेको नेपाल कम्युनिष्ट पार्टीका दुई समूहका दोस्रो तहका नेताहरूले छलफल

काठमाडौं– राष्ट्रिय सभा सदस्य कोमल वलीले प्रधानमन्त्री केपी शर्मा ओलीलाई प्रेम गर्नु भनेको देशलाई प्रेम