छिमेकी मुलुकका नागरिकले आजदेखि पाउँदैछन् कोरोना विरुद्धको खोप, नेपालीले कहिले ?



काठमाडौं : छिमेकी मुलुक भारतले आजबाट सर्वसाधरणलाई कोरोना विरुद्धको खोप प्रदान गर्दैछ । आज बिहान प्रधानमन्त्री नरेन्द्र मोदीले यसको उद्घाटन गरेपछि खोप दिन सुरु गरिने भारतीय सञ्चारमाध्यमले जनाएका छन् ।

भारतले पहिलो चरणमा ३ करोड स्वास्थ्यकर्मी तथा अग्रपंक्तिमा खटिनेलाई खोप दिने बताएको छ । पहिलो दिन आज हरेक खोप केन्द्रमा एक सयका दरले तीन लाख स्वास्थ्यकर्मीलाई खोप लगाउने कार्यक्रम रहेको बताइएको छ ।

भारतले अक्स्फोर्ड विश्वविद्यालय र एस्ट्राजेनेकाले विकास गरेको खोप ‘कोभिसिल्ड’ उत्पादन गरिरहेको छ । सोही खोप आजबाट अग्रपंतिमा खटिने स्वास्थ्यकर्मीलाई दिन लागेको हो ।
एक वर्षको अविधमा भारतमा १ करोड ५ लाख २७ हजार बढी मानिस संक्रमित भइसकेका छन् भने १ लाख ५१ हजार ९१८ जनाको ज्यान गइसकेको छ ।

नेपालीले कहिले पाउने ?

विश्वमा खोप उत्पादक मुलुकसहित छिमेकी देशका नागरिक खोप पाउन थाल्दा नेपालमा भने कुन खोप, कहिले र कहाँबाट ल्याउने भन्न नै निश्चित भएको छैन । अन्य मुलुकले कोभिड–१९ विरुद्धको खोप उत्पादनदेखि प्रयोगसम्मको चरणमा पुगिसक्दा नेपाल सरकार भने अलमलमै देखिएको हो ।

स्वास्थ्य तथा जनसंख्या मन्त्रालयले खोप आयातका लागि कूटनीतिक पहल भइरहेको भएपनि यत्ति दिनभित्र खोप आइपुग्छ भनेर अझै भन्न सक्ने अवस्था नरहेको बताएको छ । स्वास्थ्य अधिकारीहरुले खोप आयाताका लागि कूटनीतिक पहल भइरहेको र छिट्टै नेपाली नागरिकले पनि खोप पाउने दाबी गर्दै आएका छन् । २ देखि ८ डिग्रीको तापक्रममा भण्डारण गर्न मिल्ने खोपलाई सरकारले प्राथमिकता दिइएको बताएको छ ।

शुक्रबार मात्रै अक्सफर्ड विश्वविद्यालय र एस्ट्राजेनेकाले बनाएको कोरोना विरुद्धको खोपले नेपालमा पनि आपत्कालीन प्रयोगको अनुमति पाएको छ । उक्त खोपलाई भारतमा सीरम इन्स्टिट्यूट अफ इन्डियाले उत्पादन गरिरहेको छ ।

नेपालले पनि भारतमा सीरमद्वारा उत्पादित ’कोभिशील्ड’ नामक औषधिलाई आयात गरी आपत्कालीन प्रयोग गर्न अनुमति दिएको हो । तर आयातका लागि ठोस कदम भने सरकाले चालेको छैन ।

प्रतिक्रिया दिनुहोस्
मुख्य समाचार

काठमाडौं : म्यानमारमा भएको नरसंहारको विरोधमा ललितपुरस्थित म्यानमारको दूतावास अगाडि प्रदर्शन भएको छ । वृहत

काठमाडौँ : नेकपा प्रचण्ड–माधव समूहको संसदीय दलको बैठक शुक्रबार बस्दै छ । बैठक दिउँसो १

काठमाडौँ : एसीड आक्रमणमा परेकी वीरगंज निवासी मुस्कान खातुनले अन्तर्राष्ट्रिय साहसी महिला (आइडब्ल्युओसी) पुरस्कार पाउने

एजेन्सी : टर्कीमा सेनाको हेलिकोप्टर दुर्घटना हुँदा ११ जनाको मृत्यु भएको छ । दक्षिण पूर्वी

काठमाडौँ : विकसित राजनीतिक घटनाक्रममा कसरी अघि बढ्ने भन्ने विषयमा कांग्रेस अझै अनिर्णित नै छ

काठमाडौं । प्रधानमन्त्री केपी शर्मा ओली नेतृत्वको नेकपा संसदीय दलको बैठकका लागि नेकपाका अध्यक्ष पुष्पकमल

काठमाडौं– नेपाली कांग्रेसका केन्द्रीय सदस्य प्रदीप पौडेलले छिट्टै निर्वाचन गर्ने सहमतीका साथ ओली बाहेकका शक्तिहरु

काठमाडौं– जनता समाजवादी पार्टी, नेपालका अध्यक्ष उपेन्द्र यादवले वर्तमान राजनीतिक समस्या समाधानका निम्ति निर्वाचन आयोगले

काठमाडौँ । सरकारले नेत्रविक्रम चन्दको नेतृत्वमा रहेको नेपाल कम्युनिष्ट पार्टीमाथि लगाएको प्रतिबन्ध फुकुवा गरेको छ

गुल्मी : गुल्मीको भाडगाउँमा युवतीको हत्या अभियोगमा पक्राउ परेका व्यक्तिलाई प्रहरीले सार्वजनिक गरेको छ ।

काठमाडौं : राजनीतिक रूपमा विभाजन भइसकेको नेपाल कम्युनिष्ट पार्टीका दुई समूहका दोस्रो तहका नेताहरूले छलफल

काठमाडौं– राष्ट्रिय सभा सदस्य कोमल वलीले प्रधानमन्त्री केपी शर्मा ओलीलाई प्रेम गर्नु भनेको देशलाई प्रेम