फाइजर भ्याक्सिन लगाएका २३ जनाको मृत्यु



काठमाडौं : कोरोनाविरुद्धको भ्याक्सिन लगाएका केही व्यक्तिको मृत्युको कारण फाइजर भ्याक्सिनमाथि शंका उब्जिएको छ ।

नर्वेमा भ्याक्सिन लगाएका २३ जना नर्सको निधन भएको समाचार चीनबाट प्रकाशित हुने ग्लोबल टाइम्सले उल्लेख गरेको छ । समाचारअनुसार अमेरिकाद्वारा निर्मित फाइजर भ्याक्सिन लगाएका नर्सहरूको मृत्यु भएको हो । नर्वेमा नयाँ वर्ष मनाएको चार दिनपछि कोरोना भ्याक्सिन खोप वितरण भएको थियो ।

त्यस दिन ३३ हजार नर्वेजियनले भ्याक्सिन लगाएका थिए । समाचार एजेन्सीहरूका अनुसार भ्याक्सिन लगाएपछि २९ जनामा साइडइफेक्ट देखिएको थियो । नर्वेमा अहिलेसम्म ५७ हजार ७ सय ३६ व्यक्तिमा संक्रमण पुष्टि भएको छ ।

ग्लोबल टाइम्सका अनुसार नर्वेमा मृत्यु हुने अधिकांश ८० वर्षभन्दा माथिका छन् । धेरैजसोको मृत्यु भ्याक्सिन लगाएको केही दिनपछि नै अस्पतालमा भर्ना भएको अवस्थामा भएको थियो । भ्याक्सिन लगाएकामध्ये अझै केहीमा साइडइफेक्ट देखिएको ग्लोबल टाइम्सले उल्लेख गरेको छ ।

भ्याक्सिनको प्रयोगपछि साइडइफेक्ट देखाएपछि नर्वेजियन सरकारले फाइजर कम्पनीमा रिपोर्ट गरेको छ । यता नर्वेको स्वास्थ्य विभागले मृत्यु हुनेमा धेरैजसो मुटु रोगी भएको जनाएको छ । सबैजसोमा दीर्घरोग रहेको विभागको भनाइ छ ।

नर्वेजियन सरकारले यसको थप अनुसन्धान गर्ने प्रतिबद्धता पनि जनाएको छ । रसियाको एन्जेसीले पनि फाइजर भ्याक्सिन लगाएका २९ जनामा समस्या आएको दाबी गरेको छ । रसियन एजेन्सीहरूका अनुसार फाइजर भ्याक्सिन निर्माणमा हतार भएको आरोप लगाएको छ । यसकारण, चीनले फाइजर भ्याक्सिन तत्काल रोक्नुपर्ने चिनियाँ अधिकारीहरूको सुझाब छ ।

त्यस्तै, ११ दिनअघि फाइजर भ्याक्सिन लगाएकी पोर्चुगलकी एक नर्सको निधन पनि भएको थियो । भ्याक्सिन लगाएको दोस्रो दिनमै ती नर्सले ज्यान गुमाएको पोर्चुगलको स्वास्थ्य विभागले जानकारी दिएको थियो ।

भ्याक्सिन लिनुअघिसम्म ती नर्समा कुनै स्वास्थ्यमा समस्या थिएन । तर, भ्याक्सिन लगाएको ४८ घण्टापछि महिलालाई श्वास–प्रश्वासमा समस्या भएको थियो । दुई बच्चाकी आमा सोनिया पोर्चुगल डी अकोलजिया सर्जिकलमा काम गर्थिन् । ४१ वर्षीया सोनियाको निधनको प्रष्ट कारण भने खुलेको छैन । सोनियाका बुबा एबिलियोले आफ्नी छोरीको निधनको कारण पत्ता लगाउन माग गरेका छन् ।

भ्याक्सिन लिएको केही घण्टापछि नै सोनियाले खुसी हुँदै सामाजिक सञ्जालमा फोटो राखेकी थिइन् । ‘मैले (कोभिड–१९) को भ्याक्सिन लिएँ,’ सोनियाले भनेकी थिइन् । नर्वे र पोर्चुगलको घटनाकाबारे विश्व स्वास्थ्य संगठन (डब्ल्युएचओ)ले अझैसम्म पनि केही प्रतिक्रिया दिएको छैन ।

कोरोना भाइरस तेस्रो चरणमा फैलिएपछि युरोपियन राष्ट्रले विश्वकै पहिलो भ्याक्सिन फाइजरलाई अनुमति दिएका थियो । सन् २०२१ को नयाँ वर्षपछि धेरैजसो राष्ट्रमा यो भ्याक्सिन वितरण भयो ।

फिनल्यान्ड र बुल्गेरियामा अहिले फाइजर भ्याक्सिनले साइडइफेक्ट गरेको रिपोर्ट दर्ता भएका छन् । अमेरिकी कम्पनी फाइजरको भ्याक्सिन लगाएका चारजना बुल्गेरियनको निधन भइसकेको छ ।
भ्याक्सिन लगाएपछि ती व्यक्तिका शरीरको तापक्रम अधिक वृद्धि भएको तथा जीउ दुख्ने समस्या सुरु भएको थियो । यसअघि फिनल्यान्डमा भ्याक्सिन लिएका ५ चजनामा गम्भीर साइडइफेक्ट देखिएको थियो । डब्ल्युएचओले फाइजरलाई विश्वभर आपत्कालीन रूपमा प्रयोग गर्न अनुमति दिएको छ ।

प्रकाशित :३ माघ, २०७७

प्रतिक्रिया दिनुहोस्