कर्णालीका सबै जिल्लामा खोप अभियान शुरु



सुर्खेत : कर्णाली प्रदेशमा कोभिड–१९ विरुद्धको खोप अभियान उत्साहका साथ शुरु भएको छ । कर्णालीका हुम्ला र डोल्पाबाहेक सबै जिल्लामा निर्धारित समयमै निःशुल्क खोप अभियान शुरु गरिएको प्रदेश स्वास्थ्य सेवा निर्देशनालयले जनाएको छ ।

हिमाली जिल्ला हुम्ला र डोल्पामा हवाईमार्गबाट भ्याक्सिन ढुवानी गरिएको थियो । स्वास्थ्य सेवा निर्देशनालयका सूचना अधिकारी नोदनारायण चौधरीले ती जिल्लामा पनि आजैदेखि खोप अभियान थालिने बताए । प्रदेशका बाँकी जिल्लामा स्थलमार्गबाट भ्याक्सिन ढुवानी गरिएको थियो ।

भारत सरकारले अनुदानमा उपलब्ध गराएको ‘कोभिसिल्ड’ नाम दिइएको यो खोप स्वास्थ्य तथा जनसङ्ख्या मन्त्रालयले कर्णालीका लागि ११ हजार ७८० जनालाई पुग्ने पठाएको थियो । निर्देशनालयका निर्देशक डा रवीन खड्काले कर्णालीका १२ वटा अस्पताललाई केन्द्र बनाएर खोप लगाउन थालिएको बताए । उनका अनुसार आठ वटा जिल्ला अस्पतालका साथै वीरेन्द्रनगरस्थित प्रदेश अस्पताल, मेहेलकुना अस्पताल सुर्खेत, कर्णाली स्वास्थ्य विज्ञान प्रतिष्ठान जुम्ला, चौरजहारी सामुदायिक अस्पताल पश्चिम रुकुमलाई केन्द्र बनाएर कोरोनाविरुद्धको खोप लगाउन थालिएको छ ।

प्रदेश अस्पताल खोप केन्द्रमा आज सबैभन्दा पहिले स्वास्थ्य निर्देशक खड्का, प्रदेश अस्पताल सुर्खेतका निर्देशक डा डम्बर खड्का, कोरोना फोकल पर्सन डा नवराज केसीसहितका चिकित्सक तथा स्वास्थ्यकर्मीले खोप लगाएका थिए । सरकारले पहिलो चरणमा कोभिड–१९ विरुद्ध अग्रपङ्क्तिमा खटिने चिकित्सक तथा स्वास्थ्यकर्मी, एम्बुलेन्स चालक, सरसफाइकर्मी, सङ्क्रमितको शव व्यवस्थापनमा खटिने सुरक्षाकर्मी र महिला स्वास्थ्य स्वयंसेविकालाई खोप लगाउने व्यवस्था मिलाएको हो । कर्णालीका लागि करिब २४ हजार खोप आइपुगेको छ । पहिलो मात्रा लगाएको चार हप्तापछि अर्थात २८ दिनपछि दोस्रो मात्रा लगाउनुपर्नेछ ।

यसैबीच खोप अभियान शुभारम्भ कार्यक्रमलाई सम्बोधन गर्दै प्रदेश सरकारका आन्तरिक मामिला तथा कानूनमन्त्री नरेश भण्डारीले आम सर्वसाधारण खोपदेखि डराइरहेका बेला चिकित्सक तथा स्वास्थ्यकर्मीले उच्च मनोबलका साथ खोप लगाउनु सकारात्मक सन्देश प्रवाह हुने बताए । उनले खोप अभियानमा पूर्ण सहयोग रहने बताउँदै प्रदेश सरकारले हरेक नागरिकलाई निःशुल्क खोपको व्यवस्था गर्न सङ्घीय सरकारसँग सहकार्य गर्ने प्रतिबद्धता जनाए । खोप अभियान शुभारम्भ कार्यक्रममा प्रदेश सरकारका प्रमुख सचिव चन्द्रमान श्रेष्ठ, सामाजिक विकास मन्त्रालयका सचिव लोकनाथ पौड्याललगायतको उपस्थिति थियो ।

प्रतिक्रिया दिनुहोस्
मुख्य समाचार

काठमाडौं । सञ्चार तथा सूचना प्रविधिमन्त्री पार्वत गुरुङले सर्वोच्च अदालतको फैसलाले प्रधानमन्त्री केपी शर्मा ओलीलाई

काठमाडौँ । नेपाली काग्रेसका केन्द्रीय सदस्य महेश आचार्यले २३ फागुनमा बोलाइएको प्रतिनिधि सभा बैठकमा पार्टीको

काठमाडौं– नेपाल कम्यूनिष्ट पार्टी (नेकपा) प्रचण्ड–नेपाल समूहकी नेतृ रामकुमारी झाँक्रीले प्रधानमन्त्री केपी शर्मा ओली प्रति

काठमाडौं । नेकपा प्रचण्ड–नेपाल समूहका अध्यक्ष पुष्पकमल दाहाल ‘प्रचण्ड’ले केही दिनभित्र निर्वाचन आयोगले पार्टीको आधिकारिकता

काठमाडौं । नेकपा प्रचण्ड–माधव पक्षका अध्यक्ष माधवकुमार नेपालले केपी ओली सुध्रनु र बालुवा पेलेर तेल

काठमाडौं– शहरी विकास मन्त्री प्रभु साहले काठमाडौं र काठमाडौं बाहिरका स्मार्ट सिटीहरुलाई समानान्तर ढंगले अगाडी

काठमाडौँ । गृहमन्त्री रामबहादुर थापाले पछिल्लो राजनीतिक संघर्ष सडकको मोर्चाबाट सदनको मोर्चामा संघर्ष केन्द्रित भएको

काठमाडौं : राष्ट्रपति विद्यादेवी भण्डारीले बेल्जियमको राजदूतमा गेहेन्द्र राजभण्डारीलाई नियुक्त गरेकी छन् । सरकारको सिफारिशमा

काठमाडौँ : १३औँ अन्तर्राष्ट्रि ह्वेलचियर दिवस विभिन्न कार्यक्रम गरी मनाइँदैछ । समाज कल्याण परिषद् राष्ट्रिय

काठमाडौँ : सरकारले चैत २३ गते अपरान्ह ४ बजे संसद अधिवेशन बोलाउन राष्ट्रपतिसमक्ष सिफारिस गरेको

काठमाडौँ : नेकपा प्रचण्ड–माधव समूहको सचिवालय बैठक सिंहदरबारमा बसिरहेको छ । संसदीय दलको कार्यालयमा केहीबेर

काठमाडौं : सर्वोच्च अदालतको फैसलापछि सरकारले फागुन २३ गते संसद् आह्वान गर्ने निर्णय गरे पनि