काठमाडौं– नेपाली कांग्रेसका केन्द्रीय सदस्य प्रदीप पौडेलले छिट्टै निर्वाचन गर्ने सहमतीका साथ ओली बाहेकका शक्तिहरु मिलेर चुनावी सरकार बनाउनुपर्ने बताएका छन् ।
बहीबार काठमाडौंमा वर्तमान राजनीतिक संकट र त्यसको समाधान विषय विचार गोष्ठिमा बोल्दै पौडेलले केपी ओलीलाई प्रधानमन्त्रीबाट हटाउनुपर्ने बताएका हुन् ।
उनले भने – ‘केपी ओलीलाई प्रधानमन्त्रीबाट हटाउनुपर्छ । त्यस निम्ति हिजो संसद पुर्नवहाली हुनुपर्छ भन्ने शक्तिहरु सबै मिलेर । त्यसपछि समस्याको समाधान निर्वाचन नै हो । अर्लि इलेक्शन गर्ने । एउटा चुनावी सरकार, केपी ओलीको कित्ता बाहेकको चुनावी सरकार । निर्वाचन गर्ने सहमतीमा अगाडी बढ्ने अबको विकल्प हो ।’
देशमा नैतिकता विहिन राजनीति रहेको भन्दै नेता पौडेलले प्रधानमन्त्री केपी शर्मा ओलीले नैतिकताको आधारमा राजिनामा नदिएर लोकतन्त्रको धज्जी उडाएको पनि बताए । ओलीले संसादमा अविश्वासको प्रस्ताव सामना गर्ने स्थिति भए लज्जाको विषय हुने उनको भनाई छ ।
