बैतडी : बैतडी दाेगडाकेदार गाउँपालका ४ श्रीकेदार साउँगाउँबाट बेपत्ता भएका सासू बुहारीमध्ये बुहारीको बिहीबार शव फेला परेको छ । सासू अझै बेपत्ता छिन् ।
बुधबार घाँस काट्न भनी घरबाट निस्केकी निर्मला साँझसम्म घर नर्फकिँदा सासू पार्वती बुहारी खोज्न जाँदा उनीसमेत बेपत्ता भएका प्रहरीले जनाएको छ ।
दुवै रातिसम्म पनि घर नफर्किएपछि परिवारका अन्य सदस्य खोज्न निस्किएका थिए । निर्मला बिहीबार बिहान स्थानीय ओडीगाउँ जंगलमा झुण्डिएको अवस्थामा फेला परेकाे प्रहरीले जनाएकाे छ ।
प्रहरी चौकी खोचलेकबाट प्रहरी सहायक निरीक्षक श्यामसिंह महराको नेतृत्वमा प्रहरी टोली खाेजीका लागि परिचालन गरिएको छ । घटना रहस्यमय रहेकाले थप अनुसन्धान भइरहेको प्रहरीले जनाएको छ ।