निमार्ण सुरु गरेको ६ वर्षसम्म बन्न सकेन स्वास्थ्य चौकी भवन



पाल्पा : जिल्लाकोे रैनादेवी छहरा गाउँपालिका–५ स्थित मुझुङ्ग स्वास्थ्य चौकी भवन ६ वर्षसम्म सम्पन्न हुन सकेको छैन । ५१ लाख रुपैयाँ लगानीमा विक्रम संवत् २०७२ सालमा निर्माण शुरूआत गरिएको भवन निर्माणको जिम्मा डीवी कन्सट्रक्सनले लिएको थियो । क्रमागत बजेटमा काम थालेको र पहिलो वर्ष काम भए पनि दोस्रो वर्षदेखि हालसम्म काम रोकिएको स्थानीय वासिन्दा पदम सोमैले जानकारी दिए ।

६ वर्षका अवधिमा स्वास्थ्य चौकी निर्माणाधीन क्षेत्रमा घाँसको झाडी मात्र छ । तत्कालीन शान्ति मन्त्रालयको बजेटमार्फत सञ्चालित आयोजना कुन मन्त्रालयले काम गर्ने भन्ने अझै टुंगो नहुँदा अधिकांश योजना अलपत्र अवस्थामा छन् । १ करोड ४० लाख बजेट विनियोजन गरी सो स्वास्थ्य सस्थाको पुनः निर्माण सम्पन्न गर्न बोलपत्र आह्वान प्रक्रिया भइसकेको गाउँपालिका अध्यक्ष रामबहादुर कार्कीले जानकारी दिए ।

प्रतिक्रिया दिनुहोस्