परमादेशी देउवा सरकारले देशलाई नै बन्धक बनायो : नेम्वाङ



काठमाडौं । एमाले संसदीय दलका उपनेता सुवास नेम्वाङले परमादेशबाट आएको शेरबहादुर देउवा नेतृत्वको गठबन्धन सरकारले देशलाई बन्धक बनाएको आरोप लगाएका छन् ।
विराटनगर विमानस्थलमा बुधबार सञ्चारकर्मीसँग कुराकानी गर्दै नेम्वाङले जनताबाट आएको सरकारले मात्रै जनताका समस्या बुझ्ने बताए । नेम्वाङले अदालतको परमादेशबाट आएको सरकारले जनताको समस्या नबुझ्ने पनि दाबी गरे ।
नेम्बाङले सभामुख अग्निप्रसाद सापकोटा सबै दलको नेता हुन नसकेको समेत आरोप लगाए । सभामुखले एमालेको निर्णय कार्यान्वयन नगरेसम्म संसद् अवरुद्ध राखिराख्ने उनले बताए ।
‘अदालतले गलत कुरालाई टेकेर गलत निर्णय गर्न थालेजस्तो हामीलाई लाग्न थालेको छ,’ नेम्वाङले भने, ‘तर पनि सर्वोच्च अदालतको आदेशलाई हामी सम्मान गर्छौँ ।’
नेता नेम्वाङ उदयपुर जिल्ला कमिटीले आयोजना गरेको अगुवा कार्यकर्ता भेलालाई सम्बोधन गर्न प्रदेश १ तिर निस्केका हुन् ।

प्रतिक्रिया दिनुहोस्