भारतको सहयोगमा मकवानपुरमा विद्यालयको भवन निर्माण



काठमाडौं । भारत सरकारको सहयोगमा मकवानपुरको लिटी खोला, फापरबारीमा श्री बागमती निम्न माध्यमिक विद्यालयको भवन निर्माण सम्पन्न भएको छ । ने.रू. ८.९७ मा नवनिर्मित भवनको शिलान्यास भारतको महावाणिज्य दूतावास वीरगञ्जका महावाणिज्यदूत नितेश कुमार तथा जिल्ला समन्वय समिति मकवानपुर, विद्यालय व्यवस्थापन समिति तथा स्थानीय प्रतिनिधिहरू द्वारा संयुक्तरूपमा गरियो ।
भारत सरकारको अनुदान, ‘नेपाल–भारत विकास सहयोग’ अन्तर्गत, १० कक्षा कोठा, फर्नीचर तथा सरसफाइ संसाधन सहित दुई तल्ले विद्यालय भवन निर्माण गरिएको हो । यो परियोजना भारत सरकार र नेपाल सरकारबीच सम्झौता अन्तर्गत एक उच्च प्रभाव सामुदायिक विकास परियोजनाको रूप मा लिइएको हो ।
उक्त विद्यालय २०४६ सालमा प्राथमिक विद्यालयको रूपमा स्थापित भएको थियो र पछि २०६४ सालमा निम्न माध्यमिक विद्यालयको रूपमा स्तरोन्नति भएको हो ।
भवन विद्यालयका आवश्यकताहरु ध्यानमा राखी भवन निर्माण गरिएको र यसले छात्र–छात्राहरुका लागी शिक्षाको वातावरणलाई बढावा दिने विश्वास भारतीय दूतावासले लिएको छ । विद्यालयको निर्माणका लागि भारत सरकारको वित्तीय सहायता भारत र नेपाल सरकारद्वारा शैक्षिक पूर्वाधारको वृद्धिसँग जोडिएको पनि दूतावासले जनाएको छ ।
दूतावासका अनुसार विद्यालय भवनको उद्घाटन भारत सरकारद्वारा आजादीको ७५ बर्षगाँठ मनाउन ‘आजादी का अमृत महोत्सव’ अन्तर्गत शुरू गरिएका विभिन्न गतिविधिहरूको एक कोशेढुङ्गा रहेको हो ।

प्रतिक्रिया दिनुहोस्