यस सिजन केवल दुई खेल खेल्नेछु: अफ्रिदी



पाकिस्तानी राष्ट्रिय क्रिकेट टोलीका पूर्वकप्तान साहिद अफ्रिदी साहिद अफ्रिदीले एभरेस्ट प्रिमियर लिगमा पुरै सिजन नभई दुई खेल मात्रै खेल्ने बताएका छन् ।

काठमाडौं किंग्स इलाभेनले आयोजना गरेको पत्रकार सम्मेलनमा बोल्दै अफ्रिदीले नेपाल र पाकिस्तान बीचको मित्रवत सम्बन्धलाई प्रगाढ बनाउन नेपाल आएको र अर्को सिजन पुरै खेल्नेगरी आउने जानकारी दिए। त्यस्तै उनले नेपालीहरूले गरेको न्यानो स्वागतबाट आफु निकै खुसी भएको र अर्को पटक परिवारसहित घुम्न आऔने सोचमा रहेको बताए।

शनिबार सुरु हुने ‘एभरेस्ट प्रिमियर लिग’ को चौथो सिजन अन्तर्गत अफ्रिदी काठमाडौं किङ्स ११ बाट त्रिभुवन खेल मैदानमा खेल्नेछन् ।
सन्दीप लामिछाने आबद्ध टोली काठमाडौँं किङ्स ११ बाट उनले ललितपुर प्याट्रियोट्सविरुद्ध उद्घाटन खेल खेल्नेछन् ।
सन्दीपको नेतृत्वमा किङ्स ११ बाट अफ्रिदीसहित नेपाली खेलाडीहरु अमित श्रेष्ठ, सुवास खकुरेल, शेर मल्ल, सिद्धार्थ लोहनी, मोहम्मद साम्सद शेख, दीपेन्द्र ऐरी, जितेन्द्र मुखिया, अशोक चन्द, अमर सिंह रौतेला र गुल्सान झाले खेल्नेछन् ।

यसअघि अफ्रिदीले दक्षिण एसिया क्षेत्रमा खेल र क्रिकेट प्रचारका लागि नेपाल प्रस्थान गरेको जानकारी दिएका थिए ।
साथै अन्य खेलाडीहरु पनि पाकिस्तानमा आउनेमा आशा राखेको उनले बताएका थिए ।

प्रतिक्रिया दिनुहोस्