जुम्लामा ४१ हजार व्यक्तिलाई कोरोना विरुद्धको खोप



जुम्ला : जिल्लामा १८ वर्षमाथिका ४१ हजार नागरिकलाई कोरोना विरुद्धको खोप दिन लागिएको छ । शनिवारदेखि जुम्लाका १८ वर्षमाथिका ४१ हजार ६७६ जनालाई खोप लगाउने लक्ष्य रहेको बताइएको छ । जिल्ला जनस्वास्थ्य सेवा कार्यालयका प्रमुख कृष्ण सापकोटाले जिल्लाको कूल जनसंख्याको ३३ प्रतिशतलाई खोप लगाउने सरकारी निर्देशनअनुसार खोप दिन लागिएको हो ।

यसका लागि स्वास्थ्यकर्मी, स्वयंसेविका, शिक्षक र युवालाई परिचालन गरिएको र ८ वटै स्थानीय तहमा २ चरणमा खोप लगाउनका लागि तालिमप्राप्त स्वास्थ्यकर्मीसहित जिल्लाभर ५४७ स्वयंसेविका परिचालन गरिएको उनको भनाइ थियो । कार्यालयका अनुसार जिल्लाभरका ३० स्वास्थ्य चौकी, ३२ खोप केन्द्र र कर्णाली प्रतिष्ठानबाट खोप दिन हाल ४१ हजार ७ सय ४० डोज खोप आइपुगेको छ।

जिल्लाभर २४ हजार ६४८ जनाले खोप लगाएकामा १९ हजार ८४७ जनाले दोस्रो मात्रा लगाइसकेका छन् ।

प्रतिक्रिया दिनुहोस्