नेपाली सेनासँग सहकार्य गर्न अमेरिकी सेनाको प्यासिफिक कमान्ड टिम नेपालमा



काठमाडौं । नेपाली सेनासँग सहकार्य गर्न अमेरिकी सेनाको प्यासिफिक कमान्डको एउटा टिम नेपाल आएको छ ।
नेपाल र अमेरिकाबीच दशकौं पुरानो सैन्यसम्बन्ध रहिआएको र नेपाली सेनासँग विज्ञता आदानप्रदान गर्न अमेरिकी सेनाको टिम नेपालमा रहेको अमेरिकी दूतावासले जनाएको छ ।
‘नेपाल र अमेरिकाबीच दशकौं पुरानो सैन्यसम्बन्ध रहिआएको छ’, दूतावासले भनेको छ, ‘हालै अमेरिकी सेना प्यासिफिकको काउन्टर फ्युजन सेन्टरको सहयोगमा अमेरिकी विज्ञहरूको एक टोलीले नेपाली सेनाका सहकर्मीहरूसँग विष्फोटक पदार्थहरू निष्कृय पार्ने सम्बन्धी प्रक्रिया र उत्तम प्रविधिहरूका बारेमा विज्ञता आदानप्रदान कार्यक्रम सम्पन्न गरियो ।’
दूतावासले चार दिने उक्त कार्यक्रममा ‘अमेरिकी सेना र नेपाली सेनाबीच एकअर्काको अनुभवबाट विभिन्न विषयहरू सिक्नुका साथै दुई देशबीचको निरन्तरको सम्बन्धलाई अझै सुमधुर बनाउनेबारे छलफल भएको’ जनाएको छ ।

प्रतिक्रिया दिनुहोस्