गजल-१
दलाल छन् बलत्कारी छन् तर सरकार छैन ;
लुटेरा बढ्या बढ्यै छन् तर सरकार छैन ।१।
सत्तामा बस्ने संविधान नमान्ने कस्तो हो यो पारा ;
देशद्रोही जनकपुरमा डन तर सरकार छैन ।२।
अपराधी फौजदारी मुद्दा लागेकाहरु भन्छन् ;
हामी मन्त्री हामीलाई नेता भन तर सरकार छैन ।३।
महंगी छ कुशासन छ शान्तीको अनुभुति छैन ;
न्याय माग्यो मुखमा राख्छ गन तर सरकार छैन ।४।
सीमा मिचिन्छ असहाय थिचिन्छ सुनुवाइ हुँदैन ;
सोच्यो भने जल्न थाल्छ मन तर सरकार छैन ।५।
———————————————
गजल – २
मन अँध्यारो छ बत्ती मन्दिरमा जलाउँछ मान्छे ;
भाग्य खोजेर अाफ्नै त्यो तक्दिरमा जलाउँछ मान्छे ।१।
शान्ति पैसामा होइन अाफैँ भित्र खोजेर हेरेस;
बाहिर मिल्दैन दुःखको जन्जिरमा जलाउँछ मान्छे ।३।
इर्ष्या गरेर मिल्दैन अात्म सम्मान र मर्यादा ;
किन नजर भित्रको तस्बिरमा जलाउँछ मान्छे ।४।
सेवा नै धर्म हो अाफु भलो त जगत भलो ;
मपाइँ भित्रको रातो अबिरमा जलाउँछ मान्छे ।४।
स्माइल देख्दैछ नयाँ अाधुनिक मानवको चित्र ;
अामा बाबाको अाँशुले आाखिरमा जलाउँछ मान्छे ।५।