गायक मिका सिंहको आवाजमा ‘बोतलको विर्को’ सार्वजनिक



काठमाडौं– बलिउडका चर्चित गायक मिका सिंहको आवाजमा ‘बोतलको विर्को’ बोलको गीत सार्वजनिक भएको छ ।

विभोर पोखरेल र दीलिप समनको संयुक्त निर्देशन रहेको गीतको भिडियोमा नायक आर्यन सिग्देल र पल शाहसँगै मोडल दुर्गेश थापाको नृत्य रहेको छ ।

मुम्बईको स्टूडियोमा रेकर्ड गरिएको यो गीतमा सिम्रन दुग्गल र रिया दुग्गलको सिमेट्री रहेको छ । युग भुषालको संगीत रहेको गीतमा शेखर अस्तित्वको शब्द रचना छ ।

भिडियोमा आर्यनको जोडी एलिसा शर्मा, पलको जोडी श्रेया संग्रौला र दुर्गेशको जोडी कविता नेपालीसँग बाँधिएको छ । दीलिप न्यौपाने कार्यकारी निर्माता र रोशन पराजुली निर्माता रहेको गीतको भिडियोमा अस्मिता लामिछाने सह निर्माताको रुपमा छिन् ।

प्रतिक्रिया दिनुहोस्