धारिलो हतियारले प्रहार गरेको अवस्थामा एक पुरुषको शव फेला



जनकपुर । धनुषाको नगराइन नगरपालिका-५ गंगुलीस्थित झाडीमा धारिलो हतियार प्रहार गरी हत्या गरिएको अवस्थामा एक पुरुषको शव फेला परेको छ ।
पहिचान खुल्न नसकेको अन्दाजी ४० वर्षीय पुरुषको शव आइतबार विहान फेला परेको धनुषाका प्रहरी प्रमुख एसपी प्रकाश रानाभाटले जानकारी दिए । उनका अनुसार खुकुरीले घाँटी काटिएको छ । घटनास्थलमा खुकुरी पनि फेला परेको छ ।
मृतक पुरुषले सेतो सर्ट र खैरो पैन्ट लगाएका छन् । अनुसन्धानका लागि तालिम प्राप्त कुकुरसहित जिल्ला प्रहरी कार्यालयको टोली घटनास्थल पुगेको छ । घटनाबारे थप अनुसन्धान भइरहेको एसपी रानाभाटले जानकारी दिए ।
आवश्यक कानुन प्रक्रिया पूरा गरी प्रहरीले मृतकको शव पोष्टमार्टमका लागि जनकपुरस्थित प्रादेशिक अस्पताल लग्ने तयारी गरेको बताइएको छ ।

प्रतिक्रिया दिनुहोस्