अछाममा सञ्चार, बिजुली र सडक अवरुद्ध



अछाम । तीनदेखिको अविरल वर्षाले अछाममा सडक, विद्युत् र सञ्चार सेवा अवरुद्ध हुँदा सेवाग्राही मारमा परेका छन् ।
जिल्लाको गैरीटाड, कैलाशखोला, जनालीकोट, मार्कु र चौखुट्टेमा पहिरोले सडक अवरुद्ध हुँदा सयौं यात्रु अलपत्र परेका अछामका प्रहरी प्रमुख डिएसपी तुलसीराम अर्यालले बताए । उनका अनुसार डोजर प्रयोग गरेर बाटो खुलाउन पनि जोखिम रहेको छ । उनले भने, ‘टेलिफोन, विद्युत् र सडक एकैसाथ अवरुद्ध हुँदा कहाँ कति क्षति भयो जानकारी पाउन सकेको छैन ।’ दसैं सकेर धेरै यात्रामा भएको बेला प्राकृतिक विपत्तिमा पर्दा धेरै तनावमा रहेको स्थानीय बताउँछन् ।
डोटीको शान्तिनगरलगायतका क्षेत्रमा पोलहरू ढलेकाले तीन दिनदेखि बिजुली अवरुद्ध भएको नेपाल विद्युत् प्राधिकरण अछाम वितरण केन्द्रका चित्र बजगाईंले बताए ।

प्रतिक्रिया दिनुहोस्