वकार जाकाले शाहरुखलाई भने ‘भारत छोडनुहोस्’



एजेन्सी । पाकिस्तानका एक चर्चित कार्यक्रम प्रस्तोता वकार जाकाले शाहरुख खानलाई भारत छाडेर पाकिस्तान आउन भनेका छन् ।
उनले सामाजिक सञ्जाल ट्वीटर मार्फत आफ्नो परिवारसँग पाकिस्तान आएर बस्न भनेका हुन् ।

बलिउड अभिनेता शाहरुख खानका छोरा आर्यन खान अक्टोबर ४ देखि नारकोटिक्स कन्ट्रोल ब्यूरो (एनसीबी) को हिरासतमा छन् । उनले जमानत पाएका छैनन् । वकार जाकाले पनि शाहरुख खानको समर्थनमा ट्वीट गरेका हुन् ।

जाकाले ट्वीटमा भनेका छन्, ‘शाहरुख खान सर, तपाईं भारत छोडनुहोस् र आफ्नो परिवारसँग पाकिस्तान आएर बस्नुहोस् । नरेन्द्र मोदी सरकारले तपाईंको परिवारमाथि जे गरिरहेको, त्यो पूर्ण रुपमा गलत छ । म शाहरुख खानको समर्थनमा छु ।’

प्रतिक्रिया दिनुहोस्