अभिनेता महेश माञ्जरेकर क्यान्सरमुक्त



काठमाडौं । बलिउडका चर्चित अभिनेता एवं फिल्म निर्माता महेश माञ्जरेकर क्यान्सरमुक्त भएका छन् ।
केही समयअघि क्यान्सरबाट पीडित महेश दुई महिनापछि क्यान्सरमुक्त भएका हुन् ।
दुई महिना अघि उनको सर्जरी गरिएको थियो । यो सर्जरी मुम्बईको एचएन रिलायन्स फाउण्डेसन अस्पतालमा गरिएको थियो ।
सर्जरीपछि उनी केही समय अस्पतालमा नै बसेका थिए ।
‘मैले ३५ किलो तौल कम गरेको छु । फिल्म ‘अन्तिम’को समयमा म क्यान्सर पीडित रहेको थाहा पाएँ । मैले फिल्मको अन्तिम भागको सुटिङ त्यो बेला गरें, जुन बेला मलाई क्यान्सर थियो र मेरो किमोथेरापी चलिरहेको थियो । तर म आज तपाईंहरुलाई यो कुरा सुनाउन पाउँदा हर्षित छु कि म क्यान्सरमुक्त भएँ’, महेशले फिल्म ‘अन्तिम’को ट्रेलर रिलिज कार्यक्रममा भने ।
उनले आफूलाई क्यान्सरको बारेमा थाहा पाउँदा डर नलागेको खुलाए ।
‘धेरै मानिसहरु जसलाई क्यान्सर भएको छ, उनीहरु लड्छन र जिन्दगी जिउछन् । त्यसकारण यसले मलाई ठूलो समस्या दिएन । मेरो टिमले मेरो स्याहार गरिरहेको थियो । त्यसकारण मलाई कुनै समस्या आएन’, उनले भनेका छन् ।
महेशले सन् १९९२ मा रिलिज मराठी फिल्म ‘जीवा सखा’बाट आफ्नो करियर सुरु गरेका थिए । उनले मराठीका अलावा कैयौं हिन्दी फिल्ममा काम गरेका छन् ।
उनी ‘प्लान’, ‘जिन्दा’, ‘मुसाफिर’, ‘काँटे’, ‘दस कहानियाँ’, ‘वान्टेड’, ‘रेडी’ र ‘दबंग’ जस्ता फिल्ममा अभिनय गरिसकेका छन् ।
उनले ‘आई’, ‘वास्तव’, ‘निदान’ र ‘विरुद्ध’ जस्ता फिल्मको निर्देशन पनि गरिसकेका छन् ।

प्रतिक्रिया दिनुहोस्