ह्वात्तै घट्यो सुनको मूल्य



काठमाडौँ : नेपाली बजारमा मंगलबार सुनको भाउ सोमबारको तुलनामा ह्वात्तै घटेको छ। अघिल्लो दिनको तुलनामा यस दिन सुनको मूल्यमा १ हजार ६ सय रुपैयाँले गिरावट आएको हो । नेपाल सुनचाँदी व्यवसायी महासंघका अनुसार मंगलबार छापावाल सुन प्रतितोला ९२ हजार ३०० रुपैयाँमा कारोबार भइरहेको छ।

छापावाल सुन सोमबार प्रतितोला ९३ हजार ९ सय रुपैयाँमा कारोबार भएको थियो । त्यस्तै तेजावी सुनको भाउ पनि ९१ हजार ८०० मा झरेको छ। चाँदीको भाउ पनि सोमबारको तुलनामा प्रतितोला १५ रुपैयाँले घटेको छ। मंगलबार चाँदी प्रतितोला १२५५ रुपैयाँमा कारोबार भइरहेको छ।

प्रतिक्रिया दिनुहोस्