‘विदेशमा डुबेको पैसा गाउँमै भैंसी पालेर उठाएँ’



म्याग्दी : दाम र कामको खोजीमा ठूलो ऋण झिकेर युरोप पुगेका बेनी नगरपालिका–६ एकपाटेका विनोद बानियाँ गन्तव्यमा नपुग्दै प्रहरी फन्दामा परे।

युरोपको चक्करमा लागेर करिब २० लाख डुबाएका बानियाँले घर फिरेपछि सानै लगानीमा पशुपालन व्यवसाय थाले। अहिले उनको व्यवसाय रहरलाग्दो भएको छ। मनग्गे कमाइ गर्न सफल भएका छन्। 

तीन वर्षअघि तीन लाखको लगानीमा घरमै पशुपालन गरेका बानियाँले विदेश जाने रहर छाडेर पशुपालनमै जमेका हुन्। स्थानीय र उन्नत जातका पाँच वटा भैंसी पालेका छन् उनले। 

दैनिक ७० लिटर दूध उत्पादन हुन्छ। सबै बिक्री गर्छन् उनी । तीन लाखबाट व्यवसाय सुरु गरेका बानियाँको लगानी यतिबेला १० लाख पुगेको छ। ‘विदेशमा डुबेको पैसा दूध बेचेर कमाउँदै छु। खर्च कटाएर मासिक १ लाख आम्दानी हुन्छ’, बानियाँले भने।

उनका अनुसार दूध डेरीमा प्रतिलिटर ७० र गाउँघरमा प्रतिलिटर १ सय २० रुपैयाँसम्ममा दूध बिक्री गर्ने गरेका बानियाँले कुखुरापालनसमेत गरेका छन्। 

‘दिगो र बलियो आम्दानीको माध्यम नै पशुपालन रहेछ। हरेक वर्ष लगानी थप्छु’, बानियाँले भने। उनले घरमै व्यवसाय गरेर पर्याप्त कमाउन सकिने रहेछ भन्ने चेतना भए पनि सरकारी अनुदानमा विभेद, पर्याप्त घाँस अभावले पशुपालनमा युवाको लगानी आकर्षित गर्न नसकिएको बताए। 

विदेश जाने लगानीले घरमै उन्नत जातका भैंसीबाट समेत मासिक राम्रो कमाइ गर्न सकिने बानियाँ बताउँछन्। परिवारको सहयोगमा पशुपालन गरिरहेका बानियाँले दैनिक बिहान र बेलुकी दुई पटक मोटरसाइकलमा दूध ढुवानी गर्छन्। 

बानियाँले  भैंसी र कुखुरालाई आवश्यक पानीको समस्या रहेको बताए। उनले दूध बेचेर घरायसी खर्च, साहुबाट लिएको ऋण भुक्तानी गरेर बचतसमेत हुने गरेको बताउँदै गोठ विस्तार गर्दै पशुपालनमा दोब्बर लगानी गर्ने बताए। 

गाउँघरका युवालाई विदेश पलायन रोक्न सरकारी निकायबाट वितरण हुने अनुदानलाई प्राथमिकताका आधारमा वितरण, बैंकबाट सस्तोमा कर्जा, युवालक्षित कार्यक्रम, अनुदान रकम, मेसिन, भकारो सुधार, गोठ निर्माण, आवश्यकताअनुसार निःशुल्क घाँसको बीउ, औषधि उपचार, पशुसेवाका कर्मचारीले घरदैलोमै निःशुल्क उपचारमा प्राथमिकता दिनुपर्ने उनको भनाइ छ।

जिल्लामा विदेशबाट फर्किएका युवाहरु पशुपालनमा आकर्षित हुने गरेका छन्। जिल्लामा अहिले करिब १ सयभन्दा बढी विदेशबाट फर्किएर व्यवसायिक पशुपालनमा संलग्न भई मनग्गे आम्दानी गर्ने किसान छन्। 

प्रतिक्रिया दिनुहोस्
मुख्य समाचार

बाँके : नेपालगञ्जमा मोटरसाइकलको ठक्करबाट आज एक पैदलयात्रीको मृत्यु भएको छ । सुर्खेतरोडमा शिक्षण अस्पताल

काठमाडौं : राष्ट्रिय बीमा संस्थानले जीवन बीमा सेवा र यसको सम्पूर्ण जानकारी अब मोबाइलबाटै उपलब्ध

चितवन : चितवन मेडिकल कलेज र आन्दोलनरत विद्यार्थीबीच सहमति भएको छ । आज दिनभर जिल्ला

काठमाडौं : नजिकिँदै गरेको दशैँ, तिहार र छठजस्ता मुख्य चाडपर्वका बेला भारतबाट रोजगारी गरेर फर्किने

काठमाडौं : सरकारले पर्यटन क्षेत्रमा पर्याप्त जनशक्ति उत्पादनका लागि ‘पर्यटन तथा पर्वतारोहण अध्ययन प्रतिस्ठान’ स्थापना

चितवन : भरतपुर महानगरपालिका–१६ का वडाध्यक्ष चतुर्मान गुरूङको ५८ वर्षको उमेरमा निधन भएको छ ।

काठमाडौं : राजनीतिक विवादका कारण रोकिएको मध्यपुरथिमि नगरपालिकाको तेस्रो नगरसभाले अन्ततः राजनीतिक सहमति जुटाउँदै बजेट,

काठमाडौं : नेपाल कम्युनिष्ट पार्टी (नेकपा) संसदीय दलका उपनेता सुवासचन्द्र नेम्वाङले नेपाली जनताको आवश्यकता र

अमेरिका : अमेरिकामा चिनियाँ भाषा बोल्ने चार पर्यटकको मृत्यु भएको छ । अमेरिकाको ब्रायस कन्योन

अमेरिका : सामाजिक सञ्जाल फेसबुकले दशौँ हजार एप्सलाई निलम्बन गरिदिएको छ । सन् २०१८ मार्चको

एजेन्सी : पछिल्लो समय अमेरिकाले इरान, त्यहाँका सर्वोच्च नेता आयातोल्लाह अलि खामेनी, दर्जनौँ उच्च पदस्थ

काठमाडौं : सङ्घीय मामिला तथा सामान्य प्रशासनमन्त्री लालबाबु पण्डितले कर्मचारीको क्षमता अभिवृद्धि एकद्वार प्रणालीबाट गरिनुपर्ने