काठमाडौ : घरेलु जनावर पाल्ने मान्छेहरुमा मुटुरोगको सम्भावना कम हुने गरेको पाइएको छ । अमेरिकन हर्ट एसोसिएसनले गरेको एक अध्ययनले यस्तो तथ्य बाहिर ल्याएको हो ।
योसँगै अर्को संस्था बार्कपोस्टले घरमा कुकुर पाल्नुका फाइदाबारे वैज्ञानिक रुपमा प्रमाणित ५ तथ्य सार्वजनिक गरेको छ।
१. खुसी बढाउँछ, निरास हटाउँछ
कुकुरसँग १५ देखि ३० मिनेट समय बिताउने मानिसमा तनाव घट्न गई खुसी बढ्ने हुन्छ । कुकरसँग खेल्नाले मानिसको मस्तिष्कमा खुसी र आनन्दसँग सम्बन्धित डोपामाइन र सेरोटोनिनको मात्रा बढाउँछ । यसले मानिसमा रहेको निरासा हटाउन मद्दत गर्छ ।
२. मुटु रोगको जोखिम घटाउँछ
कुकुरसँग खेल्दा र कुकुरलाई डोर्याएर हिँड्दा रक्तचाप घटाउन सहयोग पुग्छ । कुकुरलाई घरबाहिर लिएर जाँदा मानिसको पनि एक्सरसाइज हुन्छ । जसले गर्दा मुटुसम्बन्धी रोगहरुको जोखिम कम हुन्छ।
३. छालाको रोग र एलर्जीबाट जोगाउन सहयोग गर्छ
कुकुरसँग खेल्दै हुर्किने बालबालिकालाई लुतो तथा छालामा हुने एलर्जीले सताउने सम्भावना निकै कम हुन्छ।
४. स्वस्थ दैनिकीलाई प्रोत्साहन
कुकर पाल्नेहरुले कुकुरहरुसँग खेल्ने र काम गर्ने जिम्मेवारी पनि बहन गर्छन्, जसले गर्दा कुकुर पाल्ने व्यक्तिहरु तुलनात्मक रुपमा बढी सक्रिय हुन्छन् र दैनिकी पनि स्वस्थ हुन्छ।
५.एक्लोपनबाट मुक्त
जव मानिसहरुमा एक्लोपनको आभास हुने गर्दछ । उनीहरु विभिन्न प्रकारका कुराहरु सोचेर बस्ने गर्छन् । यस्तोमा कुकुरको कारणले मानिसहरु एक्लोपना तथा तनावबाट मुक्त हुने गर्छन् ।
