बझाङ : सोमबार बैतडीको सिगास गाउँपालिका ९ को बालुवाखानीमा च्यापिएर मृत्यु हुने परिवारलाई ५ लाख दिने सहमति भएको छ ।
स्वास्थ चौकी भवन निर्माणको जिम्मा पाएको ठेकदार कम्पनीले मृतक परिवारलाई पाँच लाख र घाइते तीन जनाको उपचार खर्च बेहोर्न सहमति भएको हो ।
बित्थडचिर गाउँपालिका ५ मा निर्माण भइरहेको स्वास्थ चौकी भवन निर्माणको लागि बालुवा लिन गएका बेला बालुवा निकाल्ने क्रममा बालुवाको ढिस्को नै भत्किँदा ज्यान गएको हो ।
बझाङको बित्थडचिर गाउँपालिका ५ घर भएकी चाखुरी देवि महरको हिजो सोमबार बालुवा खानिमा च्यापिएर घटना स्थलमै ज्यान गएको थियो ।
यस्तै मृतक परिवार लाई गाउँपालिकाले क्रिया खर्च बाफत २५ हजार सहयोग गरेको छ । गाउँपालिका उपाध्यक्ष जानकी बोहराले आगामी दिनमा परिवार लाई थप सहयोग गर्ने बताउदै सो रकम हस्तान्तरण गरेकी हुन ।
गम्भीर घाइते कुटुरी देवि महरलाई उपचारको नेपालगन्ज पठाईएको छ, भने गम्भा देवि महर र हरिभान महरको सेती अञ्चल अस्पताल धनगढीमा उपचार भैरहेको छ ।
मृतक महरको शव देउलेख प्राथमिक स्वास्थ केन्द्रमा पोस्टमार्टम गरेपछि आफन्तले बुझेका छन ।