काठमाडौं : मोबाइलको प्रयोगले सुविधासँगै समस्या पनि निम्त्याएको छ । मोबाइल सेटबाट निस्कने रेडिएसनले स्वास्थ्यलाई असर पु¥याइरहेको वैज्ञानिकहरूको निष्कर्ष छ ।
यस्तो असरबाट कसरी बच्न सकिन्छ भन्ने विषयमा कैयौँ अध्ययन र अनुसन्धान भएका छन् । तर, स्पष्ट जवाफ अझै आएको छैन । मोबाइलको रेडिएसन एक्स–रे र परावैजनी विकिरणको तुलनामा कम शक्तिशाली हुन्छ । एक्स–रे र परावैजनी विकिरणले हाम्रो डिएनएमा भएका रासायनिक बन्डलाई फुटाउने क्षमता राख्दछन् ।
अमेरिकी क्यान्सर सोसाइटीका अनुसार मोबाइलबाट निस्कने विकिरणले हाम्रो डिएनएमै परिवर्तन ल्याउनचाहिँ सक्दैन । त्यसैले मोबाइलबाट निस्कने विकिरणले क्यान्सरजस्तो रोग उत्पन्न गराउँदछ भनिहाल्न मिल्दैन ।
तर, कुन फोनबाट कति रेडिएसन निस्कन्छ भनेर पत्ता लगाउन एसआरको मापदण्ड बनाइएको छ । यसको आधारमा मानव शरीरमा पर्ने असरबारे थाहा पाउन सकिन्छ । विश्वभर थाहा पाउन सकिन्छ । विश्वभर मोबाइलको प्रयोग र क्यान्सरको सम्बन्धमा अनुसन्धानहरू भइरहेका छन् ।
यसमा विभिन्न खाले मत आउने गर्दछ । केही अध्ययनले मोबाइल फोनले उत्सर्जित गर्ने रेडियो फ्रिक्वेन्सी र निश्चित स्वास्थ्य समस्या, विशेष ब्रेन ट्युमरबीच सम्बन्ध नपाइएको बताएका छन् भने केही अध्ययनले सिधा सम्बन्ध रहेको बताउँछन् ।
रेडियो फ्रिक्वेन्सीले सामान्यतया फोन कल आउँदा बढी असर गर्ने भएकाले मोबाइल सकेसम्म टाउकोभन्दा टाढा राख्नुपर्दछ । लाउड स्पिकर अथवा इयरफोनको प्रयोगद्धारा पनि हामी रेडिएसनको असरबाट बच्न सक्छौ । यो समाचार नयाँ पत्रिकामा छापिएको छ ।
