images

माछा मारेर दैनिकी चलाउँदै आएका बादी समुदायलाई व्यावसायिक तालीम

द नेपालटप | प्रकाशित: २०७६-३-२५ गते
माछा मारेर दैनिकी चलाउँदै आएका बादी समुदायलाई व्यावसायिक तालीम
फाइल फोटो

जाजरकोट : माछा मारेर दैनिक गुजारा चलाउँदै आएका बादी समुदायलाई नलगाड नगरपालिकाले पेशा परिवर्तन गरी आत्मनिर्भर बन्न योजना ल्याएको छ । 

दल्लीस्थित नलगाड नदीको किनारमा अस्थायी टहरा निर्माण गरी माछा मार्दै दैनिक घरव्यवहार चलाउँदै आएका बादी समुदाय अब उद्यमशील भएर आत्मनिर्भर बन्नतर्फ स्थानीय सरकारले सहयोग गरेको नगरप्रमुख टेकबहादुर रावलले बताउनुभयो । एक महीनाको लामो होजियारी तालीम लिएर यहाँका बादी समुदाय अहिले माछा मार्ने पेशा छोड्दै ऊनी कपडा निर्माण, झोला निर्माण गरी आत्मनिर्भरतातर्फ उन्मुख भएको उहाँले बताउनुभयो ।

सधैँ बिहानदेखि बेलुकासम्म माछा मार्ने (पासा, जाल) सामग्री बुन्दै आएका यहाँका महिला अहिले सियो, धागो र मेसिन हातमा लिएर काममा व्यस्त हुने गरेका छन् । अब हामी सीप सिकेर आफैँ आत्मनिर्भर बन्नुपर्छ, सधैँ अर्काको भरमा पर्नु हुँदैन भन्ने चेतनाको विकास भएको नलगाड नगरपालिका–७ की निर्मला बादीले बताउनुभयो । उहाँले भन्नुभयो, “नगरपालिका र घरेलु साना उद्योग विकास समितिले सहयोग गरेपछि हामी नयाँ सीप सिकेर उद्यमी बन्ने बाटोतिर गएका छौँ ।”
 
त्यस्तै अर्की लक्ष्मी बादी आजभोलि आमालाई साथमा लिएर दैनिक कपडा बुन्ने काममा लाग्नुभएको छ । उहाँले पहिलो चरणमा निर्माण गरेका कपडा नगरपालिका र घरेलु उद्योग विकासका कर्मचारीलाई हस्तान्तरण गर्नुभएको छ । नगरपालिका र घरेलुले संयुक्तरूपमा सहयोग गरेपछि यहाँका १० घर बादी समुदायका महिलाले अहिले नयाँ व्यवसायको थालनी गरेको अर्की भुमिका बादीले बताउनुभयो । अर्को पेशा गर्ने इच्छा हुँदाहुँदै पनि आर्थिक अभाव हुँदा दैनिक माछा मार्ने काम गरिरहेका थियौँ, त्यही माछा पनि वैशाख १ गतेदेखि नगरपालिकाले मार्न नदिएपछि हामी निरास भएको थियौँ, अब होजियारीको तालीम र सामान पाएका छौँ । अब ढुक्कसँग पेशा बदल्छौँ ।”

अहिले जलचरप्राणी नदीमा सकिएको भन्दै नलगाड नगरपालिकाले माछा मार्न प्रतिबन्ध लगाएको छ । माछा मार्ने काम ठप्प भएका बादी समुदायलाई खाद्यान्न दिएर दैनिक परिवार पाल्दै आएको नगरपालिकाले अहिले होजियारी तालीम दिएर पेशा बदल्नतर्फ प्रेरित गरेको बादी अगुवा तिले बादीले बताउनुभयो । होजियारीसँगै नगरपालिकाले मादल र लोपोन्मुख बाजा निर्माण गर्न र त्यसका लागि थप सहयोग गर्ने प्रतिबद्धता जनाएको तिलेले बताउनुभयो ।
 
आउँदो हरीतालिका तिज र दशैँलाई लक्षित गरेर मादल र अन्य बाजा निर्माण गर्न नगरले सहयोग गर्ने सल्लाह पाएका बादी समुदाय अब व्यवसाय परिवर्तन गरी काममा लागेको बताउँछन् । 

द नेपालटप

द नेपालटप

images
images
images
सम्बन्धित समाचार

घरमा ‘मनीप्लान्ट’ रोप्दा पैसा आर्जन हुन्छ ? यसो भन्छ वास्तु शास्त्र

घरमा ‘मनीप्लान्ट’ रोप्दा पैसा आर्जन हुन्छ ? यसो भन्छ वास्तु शास्त्र

हाम्रो समाजमा भनाई नै छ घरमा मनिप्लान्ट लगाइयो भने पैसाको कमि हुदैन् अथौत पैसा कमाइ हुन्छ । अर्थात जति(जति मनिप्लान..

साउनको महिनामा घरमा यी बस्तु मध्य एक चिज अवश्य राख्नुस्

साउनको महिनामा घरमा यी बस्तु मध्य एक चिज अवश्य राख्नुस्

साउनको महिना बाबा भोलेनाथको महिना मानिन्छ । त्यसमा पनि सोमबारको दिन सर्वाधिक प्रिय मानिन्छ । यस महिनामा जताततै हरिय..

यसरी चिन्नुहोस् सच्चा र झुठा साथी !

यसरी चिन्नुहोस् सच्चा र झुठा साथी !

जीवनभरमा हाम्रा धेरै साथीहरु बन्छन् तर साँचो साथीहरु एकदमै कममात्र हुन्छन् । तपाईलाई परेकाबेला जस्तोसुकै परिस्थितिम..

फोहर सङ्कलन गर्ने निजी संस्था दर्ता गर्दै काठमाडौं महानगर

फोहर सङ्कलन गर्ने निजी संस्था दर्ता गर्दै काठमाडौं महानगर

काठमाडौं : महानगरपालिकाले महानगरभित्र फोहर सङ्कलन गर्ने निजी संस्थाहरुलाई दर्ता गर्ने भएको छ । अहिलेसम्म निजी संस्थ..

हातमा यस्तो चिह्न भएका व्यक्ति हुन्छन् भाग्यमानी !

हातमा यस्तो चिह्न भएका व्यक्ति हुन्छन् भाग्यमानी !

हातका रेखाले पनि हाम्रोबारे धेरै कुरा बोल्छन् । ‘हस्तरेखा शास्त्र’का अनुसार हतकेला, पञ्जा र औंलाले हाम्..

१० चर्चित नेपाली बाबु छोरी, जसले बनाएका छन् छुट्टै पहिचान (फाेटोफिचर) 

१० चर्चित नेपाली बाबु छोरी, जसले बनाएका छन् छुट्टै पहिचान (फाेटोफिचर) 

पूर्खाको वंश छोराले धान्छ भन्ने पुरानो धारणा छ । यहि धारणाको कारण पिताले आर्जन गरेका सिप सम्पती, स्वामित्व सबै कुरा..