भगवानकाे लागि छुट्याइएकाे पैसामा पनि मन्त्रालयद्वारा भ्रष्टाचार



जनकपुरधाम : भ्रष्टाचारमा लिप्त भनी चौतर्फी आलोचना भइरहेको प्रदेश २ सरकारका मन्त्रालयहरुले भगवानको जन्मोत्सव मनाउन छुट्याइएको पैसामा समेत अनियमितता गरेको खुलासा भएको छ। 

प्राप्त जानकारीअनुसार प्रदेशका राजधानी जनकपुरधामस्थित जानकी मन्दिरमा मनाइने जानकी नवमी (माता सीताको जन्मोत्सव) का लागि प्रदेश सरकारले १० लाख रुपैयाँ दिने घोषणा भए पनि प्रदेश सरकारको उद्योग पर्यटन वन तथा वातावरण मन्त्रालयले ७ लाख रुपैयाँ मात्र भुक्तानी गरेको छ। 

मन्दिरका उत्तराधिकारी महन्थ रामरोशन दास वैष्णवले बताएअनुसार जानकी नवमी महोत्सवका लागि प्रदेश सरकारले १० लाख रुपैयाँ दिने घोषणा गरेको थियो। तर भुक्तानी लिन जाँदा ७ लाख रुपैयाको चेक मात्र दिएको छ। 

तीन लाख रुपैयाँ किन दिएन भन्ने द नेपाल टपको जिज्ञासामा महन्थ दासले भने, ‘पर्यटन मन्त्रालयले १ लाख २० हजार रुपैयाँ करकट्टि गरेको बतायो। बाँकी करिब २ लाख रुपैयाँ मन्त्रालयले पानी र फ्रुटीमा खर्चेकाे भन्ने जवाफ दियाे।’

 

उनले थपे, ‘कर काट्ने प्रक्रिया होला, तर महोत्सवको नाममा मन्दिरसँग कुनै जानकारी नै नदिई मनपरी रुपमा रकम कुम्ल्याएर फ्रुटी र पानीमा खर्च भयो भन्नु के भ्रष्टाचार होइन र? 

प्रत्येक वर्ष जानकी मन्दिरमा मनाइने जानकी महोत्सवका लागि प्रदेश सरकारका क्याबिनेटबाटै प्रत्येक वर्ष १० लाख रुपैयाँ दिने भनी निर्णय भएको थियो। सोही निर्णयको आधारमा चालु आर्थिक वर्षमा महोत्सवका लागि १० लाख रुपैयाँ छुट्याइएको थियो। 

धर्म र आस्थाका नाउँमा आएको बजेट रकममा समेत भ्रष्टाचार गरिएकोले आफूले अहिलेसम्म चेकसमेत नबुझेको उनले दुखेसो पोखे। उनले करिब एक महिनाअघि नै खर्च हिसाब बुझाइसकेपछि ७ लाख रुपैयाँ मात्र दिने भन्दै आएकोमा विवाद हुँदै आएको थियो। अन्ततः ७ लाख नै दिने मन्त्रालयको अडानले निकै मर्माहित भएको उनले दुखेसो पोखे।

 

मन्त्रालयका सचिव रामबाबु जयसवालले प्रदेश सरकारले जानकी नवमीका लागि दस लाख छुटयाएको स्विकार गरे। भने बजेट रकमबाट मन्त्रालयले समेत महोत्सवका लागि पानी र फ्रुटीमा रकम खर्च गरेको र १३ प्रतिशत कर कटा गरी बाँकी ७ लाख रुपैया भुक्तानी गरेको हो।

यता पर्यटन राज्यमन्त्री सुरेश मण्डलले प्रदेश सरकारले गरेको खर्च रकमलाई अन्य शीर्षकबाट मिलाउन सकिए पनि नमिलाइएकोले तोकिएको रकममा तलमाथि भएको बताए।

प्रतिक्रिया दिनुहोस्
मुख्य समाचार

काठमाडौं : २०६४ सालमा बम विस्फोट र त्यसका घाइतेको सामूहिक हत्या गरेको आरोपमा १२ वर्षपछि

काठमाडौं : त्रिभुवन अन्तर्राष्ट्रिय विमानस्थलका अध्यागमन अधिकृतसहित १३ जना विरुद्ध आज (मंगलबार) विशेष अदालत काठमाडौंमा

काठमाडौं :डन आयो डन,जा मूला भन,राजा हो राजा,बजाईदिन्छ बाजा,ए निकाल गाँजा,खानुपर्छ आज ।। यो गीत

काठमाडौं : सरकार र नेत्रविक्रम चन्द विप्लवले नेतृत्व गरेको प्रतिबन्धित नेकपाबीच वार्ता सहजकर्ताको भूमिकामा रहेका

काठमाडौं : यौन दुर्व्यवहार आरोपमा पक्राउ परेका प्रतिनिधिसभाको तत्कालिन सभामुख कृष्णबहादुर महरा प्रकरणले सत्तारुढ दल

थाईल्याण्ड : थाईल्यान्डका राजा महा वाचिरालङ्कनले आफ्नी एकपत्नीको शाही उपाधि खोसेका छन्। उनी राजा बन्नुभन्दा

काठमाडौं : नेपाल–जापानबीच भएको द्विपक्षीय सम्झौताअनुसार जापानको ऋणसहयोगमा बहुचर्चित नागढुङ्गा–नौबीसे सुरूङमार्ग निर्माण हुने भएको छ

वासिङ्टन : ठीक १३ महिनापछि अर्थात् नोभेम्बर २०२० मा हुन गैरहेको अमेरिकी राष्ट्रपतीय निर्वाचनमा सामाजिक

काठमाडौ : निर्वाचन आयोगले रिक्त प्रतिनिधिसभा सदस्य र प्रदेशसभा सदस्यको लागि कार्यतालिका सार्वजनिक गरेसँगै १४

काठमाडौं : विश्वपरिवेश र अभ्यासभन्दा नेपालमा निजामित कर्मचारीको संख्या धेरै भएको भन्दै कटौटी गर्ने सार्वजनिक

फाइल फोटो जापान : राष्ट्रपति विद्यादेवी भण्डारी र जापानका प्रधानमन्त्री सिन्जो आबेबीच आज बिहान टोक्योस्थित

काठमाडौं : कार्यबाहक सभामुखको रुपमा रहेकी उपसभामुख  शिवमाया तुम्वाहाम्फेले प्रधानमन्त्री केपी शर्मा ओलीलाइृ भेट्दै आफ्नो