काठमाण्डौ : आज शुक्रबारदेखि देशभरका हलमा एकमात्र नेपाली चलचित्र ‘घर’ प्रदर्शनीमा आएको छ । चलचित्र 'घर' काे निर्देशन अर्पण थापाले गरेका हुन् ।
काठमाडौँमा नयाँ घर खरिदपछि त्यहाँ भएको भूतको आतङ्कलाई चलचित्रको विषयवस्तुमा प्रस्तुत गरिएको छ । घर ‘हरर मूभी’ हो ।
निर्देशक थापाको समेत अभिनय रहेको फिल्म घरमा नायिकाद्वय सुरक्षा पन्त र बेनिशा हमालको मुख्य भूमिका छ । साथमा अस्मिता खनाल, सरोज अर्याल, श्रृष्ट्रि महर्जन, विकाश खनाल लगायत कलाकारको अभिनय रहेको छ ।
शर्मिला पाण्डेले निर्माण गरेको फिल्ममा सन्तोष अधिकारी सह निर्माता रहेका छन् । निरज कँडेलले छायांकन गरेको फिल्मलाई मिलन श्रेष्ठले सम्पादन गरेका हुन् ।