काठमाडौं : पोर्चुगलमा झ्याप भएकी एक महिला पर्यटक सर्वांग नांगो भएर १५० फीट अग्लो पुलबाट हाम्फालेकी छन् । ब्राजिलबाट आएकी भन्ठानिएकी उक्त पर्यटकले पोर्टोमा रहेको डोम लुइस पहिलो पुलबाट खतरनाक डाइभ हानेकी हुन् ।
घटनाको भिडियो पनि सार्वजनिक भएको छ । पूरै झ्याप भएको अवस्थामा महिलाले सबै लुगा खोलेर पुलमा चढेर आफूलाई सन्तुलनमा राख्दै डुओरो नदीमा हाम्फालेकी थिइन् ।
ती महिलासँग दुई अन्य पुरुष पनि थिए । उनीहरूले चाहिँ कम्मरमाथि लुगा लगाएका थिएनन् । उनीहरू पुलको छेउमा बसिरहे । उनले माथिको लुगा चिच्याइरहेको भीडतर्फ फ्याँकिन् अनि त्यसपछि जीन्स पाइन्ट झिकिन् र अगाडिपछाडि हल्लिइन् ।
त्यसपछि उनी टाउको अगाडि पारेर झ्याम्मै हाम्फालिन् । उनी पानीमा चप्लङ्ग हुँदा मानिसहरू कराए ।
प्रहरीको गश्ती टोलीले घटनापछि उक्त क्षेत्रमा खोजबीन गरेको भए पनि घटनामा संलग्न कोही पनि भेटेन । अहिलेसम्म कसैलाई पक्राउ गरिएको छैन ।
भाग्यवश ती महिला नदीको किनारसम्म पौडिँदै आइन् र उनलाई खासै चोटपटक लागेन ।
उनको परिचय खुलेको छैन ।