images

विजय कुमार गच्छदार सम्पर्कविहीन, अख्तियार र सिआईबी खोज्दै !

द नेपालटप | प्रकाशित: २०७६-४-५ गते
विजय कुमार गच्छदार सम्पर्कविहीन, अख्तियार र सिआईबी खोज्दै !

काठमाडौं : बालुवाटर जग्गा प्रकरणमा मुछिएका तत्कालीन भौतिक पूर्वाधारमन्त्री विजय कुमार गच्छदार सम्पर्कविहीन भएका छन् । 

अख्तियार दुरुपयोग अनुसन्धान आयोग र नेपाल प्रहरीको केन्द्रीय अनुसन्धान ब्यूरो (सिआइबी) ले सबै जिम्मेवार व्यक्तिसँग बयान लिन सुरु गरेलगत्तै गच्छदार सम्पर्कविहीन भएका हुन् । 

२०६६ मा सरकारले बालुवाटारको जग्गा व्यक्तिको नाममा लैजाने गरी निर्णय गर्दा उपप्रधानमन्त्री रहेका गच्छदारले सम्हालेको भौतिक पूर्वाधार तथा यातायात मन्त्रालयले प्रश्न उठाएको थियो । 

बयानका लागि दुवै निकायले बोलाएपछि गच्छदार सम्पर्कमा आएका छैनन् । यसका लागि उनलाई दुवै निकायले खोजिरहेको छ । गत असार १५ गते गच्छादार भारत गएका थिए । उतैबाट उनी अमेरिका गएको स्रोतले जनाएको छ । 

यस्ता बयानका लागि अख्तियारले फोनबाटै बोलाउने, फोनबाटै पछ्याउने र नआएमा पत्र काट्ने र पत्रिकाबाट सार्वजनिक सूचनासमेत प्रकाशित गर्ने गरेको छ । 

गच्छदारले बयान टार्न खोजेको भन्दै अख्तियारले सार्वजनिक सूचना जारी गर्ने तयारी गरेको स्रोतले जनाएको । बयानका लागि बोलाउने तयारी गरेलगत्तै गच्छदारले नेपाल छाडेको अख्तियार स्रोतले जनाएको छ । 

यता बालुवाटार जग्गा प्रकरणमा छानबिन गरिरहेको नेपाल प्रहरीको केन्द्रीय अनुसन्धान ब्यूरो (सिआईबी) समेत गच्छदारसँग बयान लिने तयारीमा रहेको स्रोतले जनाएको छ । 

बालुवाटार जग्गा प्रकरणबारे सरकारले सिआइबीलाई छानविन गर्न निर्देशन दिएको छ । सिआइबीले बालुवाटार जग्गा हिनामिनाको प्रतिवेदन दिन एक महिनामात्र बाँकी हुँदा गच्छदारसँग बयाना लिने तयारी गरेको हो । तर, उनी सम्पर्कविहीन छन् ।   

२९ चैत ०६६ को मन्त्रिपरिषद् बैठकले नक्कली मोही खडा गरेर बालुवाटारको सरकारी जग्गा व्यक्तिको नाममा सारिएको थियो । उक्त निर्णयका आधारमा करिब १४ रोपनी जग्गा १२ जना नक्कली मोहीका नाममा लगिएको थियो । यसको प्रस्ताव अघि बढाउने विभागीय जवाफदेहीता रहने आधारमा गच्छदारसँग अख्तियार र सिआईबीले बयान लिन खोजेको हो ।

 

द नेपालटप

द नेपालटप

images
images
images
सम्बन्धित समाचार

राष्ट्रपति र भारतीय विदेशमन्त्रीबीच भेटवार्ता 

राष्ट्रपति र भारतीय विदेशमन्त्रीबीच भेटवार्ता 

काठमाडौं : राष्ट्रपति विद्यादेवी भण्डारी र भारतीय विदेशमन्त्री एस.जयशंकरबीच भेटवार्ता भएको छ । राष्ट्रपति निवा..

राष्ट्रपतिलाई भेट्दै जयशंकर, आजै स्वदेश फर्कने

राष्ट्रपतिलाई भेट्दै जयशंकर, आजै स्वदेश फर्कने

काठमाडौं : नेपाल–भारत संयुक्त आयोगको बैठकमा सहभागी हुन नेपाल आएका भारतीय विदेशमन्त्री एस.जयशंकर आज (बिही..

प्रधानमन्त्री ओली स्वास्थ्य परीक्षणका लागि आज सिङ्गापुर जाँदै, बसाई लम्बिने सम्भावना 

प्रधानमन्त्री ओली स्वास्थ्य परीक्षणका लागि आज सिङ्गापुर जाँदै, बसाई लम्बिने सम्भावना 

काठमाडौं : प्रधानमन्त्री केपी शर्मा ओली स्वास्थ्य परीक्षणका लागि  आज (बिहीबार) पुनः सिङ्गापुर जाने भएका छ..

नेपाल–भारत बैठक : व्यापार–पारवहन सम्झौता पुनरावलोकनको सहमति

नेपाल–भारत बैठक : व्यापार–पारवहन सम्झौता  पुनरावलोकनको सहमति

काठमाडौं : नेपाल र भारतबीच बुधबार भएको संयुक्त आयोगको पाँचौं बैठकमा  दुवै मुलुक व्यापार, पारवहन र रेल सेव..

नेकपा सचिवालय बैठक बिना निर्णय सकियो 

नेकपा सचिवालय बैठक बिना निर्णय सकियो 

काठमाडौं : सत्तारुढ दल नेपाल कम्युनिष्ट पार्टी (नेकपा) को सचिवालय बैठक बिना निर्णय सकिएको छ । प्रधानमन्त्री निवास ब..