काठमाडाैं । २५ वैशाख, २०७९ आइतबार । तदनुसार मे ८ वैशाखशुक्ल पक्ष सप्तमी, रविसप्तमी, गंगासप्तमी, वणिज करण, पुष्य नक्षत्र, गण्ड योग, चन्द्रमा कर्कट राशिमा छ ।
आज बिहान सूर्योदय ५ः१९ मिनेटमा भएकाे छ भने सूर्यास्त ६ः४१ मा हुनेछ । आजको देवता अग्नि र ग्रहदेव शनि हुन् । आइतबार सूर्यनारायणको नमस्कार गर्नु उत्तम मानिन्छ । साताको पहिलो दिन हो । आइतबारलाई आदित्यबार पनि भनिन्छ । आज बिहान ११ः३४ देखि १२ः२७ सम्मको समय अभिजित मुहूर्तको समय हो । यो समयमा गरेको काम निकै सफल हुनेछ ।
मेष (चु.चे.चो.ला.लि.लु.ले.लो.अ) : स्वास्थ्यमा समस्या हुनसक्छ ख्याल राख्नुहोला। मनमा अनेक सोच र चिन्ता छाउने छ। त्यसैले मेष राशिका जातकले आजको दिन सकारात्मक सोच राख्नुहोला। आजको दिन आर्थिक व्यय हुनेछ। आजको दिन उत्तर दिशा तर्फ यात्रा नगर्नुहोला।
वृष (इ.उ.ए.ओ.वा.वि.वु.वे.वो) : वृष राशिका जातका लागि आज अर्थलाभ हुनेछ। व्यापार व्यवसायबाट नसोचेको आर्थिकलाभ प्राप्त हुनेछ । दाम्पत्य जीवनमा सुख प्राप्त हुनाका साथै यात्राको अवसर प्राप्त हुनेछ । पूर्व दिशा तर्फको यात्रा फलदायी हुनेछ । खुसी हुने खबरले मनमा उत्साह थपिने छ ।
मिथुन (क.कि.कु.घ.ङ.छ.के.को.ह) : धनलाभ र नयाँ सुखद खबरले तपाईंलाई खुसियाली छाउने छ। घर परिवार र आफन्तसँग सम्बन्ध सुमधुर हुनसक्छ। त्यसैले आजको दिन कम बोल्ने र अर्काका कुरा सुन्ने गर्दा राम्रो हुनेछ। कम बोल्नु र आफ्नो नियमित काम गर्नु बुद्धिमानी हुनेछ ।
कर्कट (हि.हू.हे.हो.डा.डि.डु.डे.डो) : आजको दिन यात्रा गर्न लाग्नु भएको छ भने पश्चिम तर्फको यात्रा सफल हुनेछ । तपाईंले सोच र परिवारका कुरा नमिल्दा नकारात्मक सोच आउनसक्छ । त्यसैले आजको दिन सोच विचार पुर्याएर निर्णय गर्नु वेश हुनेछ । आइतबारको दिन बिहान सूर्योदयको दर्शन र कुमारी कन्यालाई केही उपहार र खानेकुरा दिनु वेश हुनेछ ।
सिंह (मा.मि.मु.मे.मो.टा.टि.टु.टे) : सिंह राशिका जातकले आइतबार सूर्योदयको दर्शन गर्नुहोला। आजको दिन अनुकूल छ । त्यसैले केही नयाँ कामको सुरुवात गर्न सक्नुहुनेछ । तपाईंले कसैलाई सहयोग गर्नुभए बापत मानसम्मान मिल्नेछ ।
कन्या (टो.प.पी.पू.ष.ण.ठ पे.पो) : छोटो दुरीको यात्रा हुनसक्छ । नयाँ मित्रसँगको भेटले काममा उत्साह थपिने छ। आफन्त र मित्रजनबाट साथ र सहयोगको प्रस्ताव आउनसक्छ। आजको दिन नयाँ बस्त्र खरिद गरेर लगाउन राम्र्रो हुनेछ। कुनै कन्यालाई फल र दक्षिण दिनुभयो राम्रो हुनेछ। बिहान सूर्योदयको दर्शन गर्नुहोला । चन्द्रमाको साथ रहेको छ। शुभकार्यको लागि शुभ दिन रहेको छ।
तुला( रा.री.रु.रे.रो.ता.ती.तु.ते) : मनमा सकारात्मक सोच राखेर काम गर्न आवश्यक छ। व्यापार व्यवसायमा हुनुहुन्छ भने आजको दिन हानीहुनसक्छ। यस्तो अवस्थामा धैर्यको आवश्यकता हुन्छ। आत्तिनु र दुःखी हुन भन्दा पनि सकारात्मक सोच राखेर अघि बढ्नु होला। अर्थलाभ हुनेछ, कसैप्रति गलत भावना नराख्नुहोला। सामाजिक सेवा र देवालय दर्शन र खानेकुरा प्रदान गर्नुहोला।
वृश्चिक (तो.ना.नि.नु.ने.नो.या.यि.यु) : सूर्योदयको दर्शन गरेर अघि बढ्नु होला । मनमा प्रसन्नता र उत्साह बढ्ने छ। तपाईले कुनै नयाँ कामको शुरुवात समेत गर्न सक्नुहुनेछ। आज सुरुवात गरेको कामबाट एक महिनाभित्र सफलता प्राप्त हुनेछ । नयाँ क्षेत्र र लगानीको काम गर्नुछ भने आज उपयुक्त समयमा काम अघि बढाउन सक्नुहुनेछ ।
धनु (ये.यो.भा.भी.भु.ध.फा.ढ.भे) : सन्तानबाट सुख र स्त्रीजातिको साथ सहयोगले राम्रो काम गर्नुहुनेछ। आफ्नो स्वास्थ्यमा ध्यान दिनुहोला । आजको दिन ब्यर्थमा समय खर्च र अनावश्यक आर्थिक भार थपिने छ। आजको दिन सूर्यनारायणको दर्शन पछि आफ्नाृ यात्रामा बीचमा पर्ने कुनै देवालय र शिवालयको यात्रा गर्नुहोला ।
मकर (भो.जा.जी.जू.जे.जो.ख.खि.खु.खे.खो.गा.गी) : ब्यापारबाट लाभ हुने देखिन्छ। परिवार र आफन्तजनको साथ सहयोगबाट तपाईंले नयाँ काम सुरुवात गरौं भन्ने सल्लाह आउनसक्छ। सकारात्मक सोच र मनमा उर्जा थपिने छ। परिवारका सदस्यलाई केही उपहारका सामान दिनुहोला। तपाईको मानसम्मान बढ्ने छ। कसैलाई पनि अपमान हुने कार्य नगर्नुहोला।
कुम्भ (गु.गे.गो.सा.सी.सु.से.सो.द) : मनमा आज प्रसन्नता छाउने छ। कुम्भ राशिका जातकले आजको दिन सोचअनुसारको काम र शत्रुमाथि विजयप्राप्ति हुनेछ। ब्यापारबाट प्राप्तबाट धनलाई सामाजिक सेवामा खर्च गर्नुहोला। सबैको हित हुने सोच र काम गर्नुभएको छ भने अप्रत्याशित फल प्राप्त हुनेछ । कसैप्रति पनि आग्रह पूर्वाग्रह नराख्नुहोला।
मीन(दी.दु.थ.झ.ञ.दे.दो.च.ची) : सूर्योदयको दर्शन गरेर नजिक वा देवालयको दर्शन गर्नु उत्तम छ। अध्ययन अध्यापनको क्षेत्रमा सफलता मिल्नेछ । कुनै नयाँ काम गर्न खोज्नुभएको छ भने आइतबारको दिन तपाईको लागि उत्तम दिन हो ।साँझको समयमा परिवारका सदस्यलाई केही खानेकुरा उपहार दिनुहोला। शिवालयको आरती दर्शन गर्नुहोला। सिर्जनात्मका काममा लाग्नुहोला।
