यथाशिघ्र भुक्तानी दिन्छौं, सेवालाई निरन्तरता दिनुहोस् : स्वास्थ्य बीमा बोर्ड



काठमाडौं । स्वास्थ्य बीमा बोर्डले सेवा प्रदायक संस्थाहरुलाई नियमित रुपमा सेवा प्रवाह गर्न आग्रह गरेको छ ।

बिहिबार प्रेस विज्ञप्ति जारी गर्दै बोर्डले स्वास्थ्य संस्थाले बिमितको उपचार गरेबापतको दाबी भुक्तानी यथाशिघ्र गर्ने कार्यमा रहेको जानकारी दिएको छ ।

स्वास्थ्य बीमा कोषमा व्यवस्थापन तथा संचालन कार्यविधि , २०७८ अनुसार स्वास्थ्य बीमा कोष स्थापना भई बोर्डमा प्राप्त सम्पूर्ण रकम उक्त कोषमा मौज्दात रहने व्यवस्था छ,’ विज्ञप्तिमा भनिएको छ,’ परीक्षण भएका दाबी रकमलाई भुक्तानी यथाशिघ्र गर्ने कार्यमा बोर्ड लागिपरेको छ ।’

बोर्डले समयमा नै भुक्तानी नदिएको कारण अहिले ठूला सरकारी तथा निजी अस्पतालले सेवा बन्द गर्ने चेतावनी दिँदै आएका छन् । तर, सेवा प्रदायक स्वास्थ्य संस्थाहरुले आर्थिक बर्ष अन्तमा भुक्तानी नहुने भन्नेमा आशंका नगर्ने बोर्डले अनुरोध गरेको छ ।

प्रतिक्रिया दिनुहोस्