images

संसदको शून्य समय : भारतसंगको सन्धिका दस्तावेज हराए 

द नेपालटप | प्रकाशित: २०७६-४-२८ गते
संसदको शून्य समय  : भारतसंगको सन्धिका दस्तावेज हराए 

काठमाडौं : प्रतिनिधिसभाको मंगलबारको बैठकको शुन्य समयमा बोल्दै सांसदहरुले सार्वजनिक सरोकारका विभिन्न विषयमामा सरकारको ध्यानाकर्षण गराएका छन् । सांसद टेक बहादुर बस्नेतले श्रम ऐन लागू गर्न सरकारको ध्यानाकर्षण गराए । सामुदायिक विद्यालयमा कार्यरत कर्मचारी र राष्ट्रसेवक कर्मचारीको मासिक तलबमा एकरुपता नभएको भन्दै उनले श्रम ऐनअनुसारको मासिक तलब सबैले पाउने व्यवस्था मिलाउन सरकारको ध्यानाषर्कण गराए ।

सांसद दिल बहादुर महत क्षेत्रीले त्रिवेणी दुम्कीबास सडक खण्ड तत्काल खोल्न सरकारको ध्यानाकर्षण गराए । सांसद दिपक प्रकाश भट्टले पर्यटन बर्ष मनाउने क्रममा सुदुरपश्चिमलाई वेवास्ता गर्न नमिल्ने भन्दै टनकपुर नाका सञ्चालनमा ल्याएर कञ्चनपुरको भीमदत्त र नगरपालिकामा पर्यटन सेवा केन्द्र र सुविधा केन्द्र तत्काल स्थापना गर्न सरकारको ध्यानाकर्षण गराए । सांसद देव प्रसाद गुरुङले असारमा आएको बाढी पहिरोले लम्जुङ मनाङको बाटोमा पर्ने धेरै पुलहरु बगाएर लगेको र ती पुलहरु अहिलेसम्म बन्न नसकेको भन्दै सरकारको ध्यानाकर्षण गराए ।

सांसद नविना लामाले त्रिभुवन विश्वविद्यालय लगायत अन्य विश्वविद्यालयका पदाधिकारी चयन गर्दा राजनीतिक भागवण्डा नगरी प्राज्ञिक व्यक्तित्वलाई नियुक्त गर्न सरकारको ध्यानाकर्षण गराइन् ।

सांसद डाक्टर नारायण खड्काले १८१५ को सुगौलि सन्धि र १९५० को नेपाल–भारत शान्ति तथा मैत्री सन्धि लगायत सीमा सन्धि तथा महत्वपूर्ण दस्तावेजहरु हराएको भन्ने सुन्नमा आएको उल्लेख गर्दै यस्ता महत्वपूर्ण दस्तावेज हराउनु गम्भीर र संवेदनशील भएको भन्दै सम्बन्धित मन्त्रीहरुलाई दस्तावेज तत्काल खोजी गर्न निर्देशन दिन सभामुखको ध्यानाकर्षण गराए ।

सांसद प्रदिप यादवले लोकसेवा आयोगले स्थानीय तहका लागि खुलाएको विज्ञापन खारेजीको माग राखेर प्रदर्शन गर्दा समेत सरकार गम्भिर नभएको भन्दे सरकारको ध्यानाकर्षण गराए । उनले आरक्षण बचाउ आन्दोलनलाई गम्भिरताकासाथ लिन आग्रह गरे । 

द नेपालटप

द नेपालटप

images
images
images
सम्बन्धित समाचार

छानबिनमा परेका न्यायाधीश अधिकारीले दिए राजीनामा

छानबिनमा परेका न्यायाधीश अधिकारीले दिए राजीनामा

काठमाडौं : उच्च अदालत पोखराका न्यायाधीश जीवनहरि अधिकारीले आफ्नो पदबाट राजीनामा दिएका छन्। न्यायाधीश अधिकारी..

एक लाख घुस लिएको आरोपमा चार प्रहरी जवान पक्राउ

एक लाख घुस लिएको आरोपमा चार प्रहरी जवान पक्राउ

काठमाडौं : अख्तियार दुरुपयोग अनुसन्धान आयोगले सेवाग्राहीसँग रु एक लाख घुस लिएको आरोपमा महानगरीय ट्राफिक प्रहरी कार्..

दर्ता नभएका औषधी बिक्री गर्ने औषधी पसल तथा फार्मेसीलाई कारवाही गरिने

दर्ता नभएका औषधी बिक्री गर्ने औषधी पसल तथा फार्मेसीलाई कारवाही गरिने

काठमाडौं : औषधी व्यवस्था विभागले दर्ता नभएका औषधी बिक्री वितरण नगर्न औषधी बिक्रेताहरूलाई आग्रह गरेको छ। विभागल..

अजेयराज सुमार्गीको ‘हेलो नेपाल’को लाइसेन्स खारेज

अजेयराज सुमार्गीको ‘हेलो नेपाल’को लाइसेन्स खारेज

काठमाडौं : नेपाल दूरसञ्चार प्राधिकरणले नेपाल स्याटेलाइट टेलिकमको अनुमतिपत्र खारेज गर्ने निर्णय गरेको छ। यो दूर..

भाद्र १७ गतेसम्म कर नतिरे चलचित्र हलमाथि कारवाही हुने

भाद्र १७ गतेसम्म कर नतिरे चलचित्र हलमाथि कारवाही हुने

काठमाडौं : काठमाडौं महानगरपालिकाको राजस्व विभागले भदौ १७ गतेसम्म चलचित्र हलहरूले कर नतिरे नियमानुसार कारबाही ह..

विमानस्थलमा पारसको दुर्व्यवहार : प्रहरीले थाल्यो आन्तरिक छानविन

विमानस्थलमा पारसको दुर्व्यवहार : प्रहरीले थाल्यो आन्तरिक छानविन

काठमाडौं : पूर्वयुवराज पारस शाहले त्रिभुवन अन्तर्राष्ट्रिय विमानस्थलमा भीआईपी कक्षको सुरक्षार्थ खटिएका प्रहरील..