काठमाडौं : प्रधानमन्त्री निवास बालुवाटारमा विरोध प्रदर्शन गर्न पुगेका आरक्षण बचाउ आन्दोलन पक्ष र प्रहरीबीच झडप भएको छ ।
प्रदर्शनका दुई पक्षबीच झडप हुँदा केही प्रदर्शनकारी सामान्य घाइते भएका छन् ।
आरक्षण बचाउ आन्दोलनको पूर्वघोषित कार्यक्रम अनुसार आज (मंगलबार) प्रधानमन्त्रि निवास बालुवाटारमा विरोध प्रदर्शन गरेको हो ।
आयोगले गत जेठ १५ गते निकालेको विज्ञापन संविधानको समावेशी सिद्धान्त विपरीत भएको भन्दै उनीहरुले बालुवाटार अगाडि सडकमै बसेर प्रदर्शन गरेका हुन् ।
लोकसेवा खारेजीको माग गर्दै आइरहेका छन् । उनीहरुले यसअघि लोकसेवा आयोगको कार्यालय, भद्रकाली, नयाँ बानेश्वरलगायतका विभिन्न ठाउँमा विरोध प्रदर्शन गर्दै आएका छन् ।
गत जेठ १५ निकालेको विज्ञापन खारेज गरी नयाँ विज्ञापन जारी गर्न उनीहरुको माग छ ।
