images

क्षमताले भ्याएको दिन भारतले नेपाललाई सिक्किम बनाइदिन्छ : प्रदीप गिरी

द नेपालटप | प्रकाशित: २०७६-४-३० गते
क्षमताले भ्याएको दिन भारतले नेपाललाई सिक्किम बनाइदिन्छ : प्रदीप गिरी

कांग्रेसका सांसद प्रदीप गिरीले भारतले सकेको दिन ‘नेपाललाई सिक्किम बनाईदिने’ चेतावनी दिएका छन् । ससंदको अन्तर्राष्ट्रिय समितिको बैठकमा बुधबार गिरीले भारतले आफ्नो क्षमताले भ्याउने हो भने नेपाललाई सिक्किम बनाइदिने अभिव्यक्ति दिएका हुन् । 

नेकपाका अध्यक्ष पुष्पकमल दाहाललाई इंगित गर्दै उनले नेपाल–भारत सिमानामा काँडेतार लगाउने र सुरुङ युद्ध गर्ने उद्घोष गर्ने नेताहरु नै अहिले सत्तामा रहेको र भारतका गतिविधिमा टाउको हल्लाउने मात्रै काम गरेको टिप्पणी गरे । उनले बोलेर मात्रै कुटनीतिक समस्या समाधान नहुने तर्फ सचेत बनि समयमै कुटनीतिक सक्षमता देखाउन सरकारको ध्यानाकर्षण गराए । नेपालको कमजोर कुटनीति जारी रहे सकेको दिन भारतले नेपाललाई सिक्किम बनाउने तथ्यपुर्ण यथार्थलाई समयमै आत्मसात गरि पहलकदमी गर्न उनले आग्रह गरे ।

‘विपक्षमा रहेका बेला त्यस्तो माग उठाउनु हुँदैन जुन सत्तामा पुग्दा कार्यान्वयन गर्न नसकियोस,’ उनले भने, ‘कुटनीति भनेको चुनाव लड्दा गर्ने भाषण होइन । सबै भन्दा ठूलो विफलता कुटनीतिक विफलता हो । हिन्दुस्तानले सकेदेखि नेपाललाई सिक्किम बनाउँछ । भुटान बनाउँछ, तथ्य हो यो ।’

सत्तारुढ नेकपाका सांसद भीम रावलले नेपालको ठूलो भू–भाग भारतको अतिक्रमणमा परेको भन्दै समयमै कुटनीतिक पहल गर्न परराष्ट्र र गृहमन्त्रालयको ध्यानाकर्षण गराए । विशेषज्ञहरुका अनुसार नेपालको ६ सय ६ वर्ग किलोमिटर भू–भाग अतिक्रमणमा परेको, ७१ स्थानमा सिमा विवाद देखिएको, दशगजाका विभिन्न स्थानमा भारतबाट अतिक्रमण भइरहेको उनले दाबी गरे । त्यसैगरी सडक बनाउने नाममा अघोषित तटबन्ध निर्माण गरेर पानीको प्राकृतिक वहाव रोक्ने संरचना बनाएकाले तराई क्षेत्र डुबानमा परेको उनले बताए ।

नेपाल भारत सिमाविवाद, अतिक्रमण तथा  डुबानलगायत समस्या बारेको छलफलमा समिति सदस्यहरुले तत्काल कुटनीतिक पहल गरि समस्याको दीर्घकालिन समाधान खोज्न सरकार र सम्बन्धीत निकायको ध्यानाकर्षण गराएका थिए ।

द नेपालटप

द नेपालटप

images
images
images
सम्बन्धित समाचार

समाजवादी–राजपा एकता : नेता व्यवस्थापनमा गाँठो

समाजवादी–राजपा एकता : नेता व्यवस्थापनमा गाँठो

काठमाडौं : नेतृत्व र नेताहरूको व्यवस्थापनको कठिनाइले समाजवादी पार्टी र राष्ट्रिय जनता पार्टी (राजपा) बीचको एकी..

राजपुरवासीको गुनासो : प्रचण्ड बिर्सिए आश्रयस्थल

राजपुरवासीको गुनासो : प्रचण्ड बिर्सिए आश्रयस्थल

राजपुर (दाङ) : राजपुरको वेतनिया गाउँ तत्कालिन माओवादीका शीर्ष नेताहरुको लागि युद्धकालमा सुरक्षित आश्रयस्थल थिय..

वरीयता नफेर्न माधव नेपालको चेतावनी

वरीयता नफेर्न माधव नेपालको चेतावनी

काठमाडौं : अध्यक्ष केपी शर्मा ओलीले वरिष्ठ नेताहरूको मर्यादा हेरफेरसम्बन्धी एजेन्डा अचानक प्रवेश गराएको भन्दै वरिष्..

क्यानडा लग्ने प्रलोभनमा ठगिए आठ सयभन्दा बढी युवा

क्यानडा लग्ने प्रलोभनमा ठगिए आठ सयभन्दा बढी युवा

मोरङ उर्लाबारीका रामबहादुर खड्काले आफूहरूलाई ठगेको भन्दै बिर्तामोड, दमक, धुलाबारी र काँकडभिट्टाका सयभन्दा बढी युवाल..

वामदेव गौतमलाई ओलीले सुटुक्क भने, ‘तपाई कास्की २ बाट चुनाव लड्नुस्’

वामदेव गौतमलाई ओलीले सुटुक्क भने, ‘तपाई कास्की २ बाट चुनाव लड्नुस्’

काठमाडौं : नेकपाका अध्यक्ष  केपी शर्मा ओलीले वामदेव गौतमलाई तत्कालीन संस्कृति, पर्यटन तथा नागरिक उडड्यनमन्त्री..

नेपालका एजेन्डा विकास र कनेक्टिभिटी, भारतको चासो सुरक्षामा

नेपालका एजेन्डा विकास र कनेक्टिभिटी, भारतको चासो सुरक्षामा

काठमाडौं : संयुक्त आयोगमा दुईपक्षीय सम्बन्धका सबै विषयलाई पाँच शीर्षकमा राखेर छलफल हुनेछ । जसअनुसार राजनीतिक सुरक्ष..