काठमाडौं : भारतको राजस्थानको जोधपुरबाट पाकिस्तानको कराँची चल्ने रेल पाकिस्तानले रोकेको छ ।
भारतले आफ्नो संविधानको धारा ३७० निलम्बन गरेर जम्मु कश्मीरको विशेषाधिकार खारेज गरेपछि अहिले पाकिस्तान भारतप्रति क्रुर बन्दै गइरहेको छ ।
भारतीय रेललाई उद्धृत गर्दै एएनआइले लेखेको छ, ‘राजस्थानको जोधपुरबाट पाकिस्तानको कराँचीका लागि नियमित चलिरहेको एक्सप्रेस रेल अर्को सूचना नआउन्जेलका लागि रोकिएको छ ।’
शुक्रबारदेखि स्थगन भएको उक्त रेलसेवा केही समययता सञ्चालनमा आएको थियो ।
यसअघि पाकिस्तानले लाहौरबाट भारतको अटारीसम्म चल्ने सम्झौता एक्सप्रेस रेल बन्द गरेको थियो ।
यसैगरी पाकिस्तानले भारतसँग व्यापारिक सम्बन्ध अन्त्य गर्ने घोषणा थियो भने भारतीय उच्चायुक्तलाई फिर्ता पठाउने र आफ्ना उच्चायुक्तलाई फिर्ता बोलाउने निर्णय समेथ लिइसकेको छ ।