गोरखा : गोरखा जिल्लाको बारपाकमा पहिरो जाँदा ११ घर विस्थापित भएको छ ।
बुधबार राति करिब ३ घण्टासम्म आएको वर्षापछिको पहिरोले रुतुक गाउँका स्थानीय देवबहादुर गुरुङको घर बगाएको पहरीले जनाएको छ ।
घरघरमा पहिरो पसेपछि स्थानीयले गाउँ छाडेका छन् ।
१२ वैशाख २०७२ सालमा आएको भुकम्पबाट विस्थापित भएका विभिन्न गाउँका ३२ घरधुरी रुतुकामा बस्दै आएका थिए ।
पहिरोले थलीडाँडा पनि जोखिममा छ ।
अलगंङ र थलीगङबीचमा ठूलो पहिरो झरेर गाउँ जोखिममा पर्नुका साथै थलीडाँडा समेत जोखिममा परेको स्थानीय पुरबहादुर गुरुङले बताए ।
पहिरोका कारण स्थानीय ११ घर जोखिममा रहेको उनको भनाइ छ ।
गाउँमा पहिरो पसेपछि घटनास्थलमा प्रहरी पुगेको जिल्ला प्रहरी प्रमुख एसपी ओम अधिकारीले जानकारी दिए ।
उनले करिब १४ लाख बराबरको धनमाल बगाएर लगेको अनुमान गरेका छन् ।
