यस्तो छ तपाईंको आजको राशिफल



काठमाडौं । आज २१ भदौं २०७९, मंगलबार । सेप्टेम्बर महिनाको ६ तारिक २०२२। भाद्रशुक्लपक्ष एकादशी आजको एकादशीलाई हरिपरिवर्तिनी एकादशी भनिन्छ । एकादशीको व्रत सनातनीले अन्न भोजन ग्रहण गदैंनन् । एकादशीको दिन फलाहार गर्ने गर्दछन्।

आज पूर्वषाढा नक्षत्र, गर करण, आयुष्मान योग, चन्द्रमा धनु राशिमा रहेको छ। आज बिहान सूर्योदय ०५ः४६ मा हुनेछ भने सूर्यास्त ६ः२१ मा हुनेछ। आजको देवता चन्द्र र ग्रहदेव केतु रहेको छ।

मंगलबारको दिन हुनमान र गणेशको साधना गर्नु उत्तम हुनेछ। आजको दिन ऋण चुक्ता गर्नु उत्तम हुनेछ। आजको दिन ऋण लिनु राम्रो हुँदैन। गणेशको मन्दिरको परिक्रमा मात्रले मनमा शान्ति प्राप्त हुनेछ।

आजको राशिफल 

मेष (चु.चे.चो.ला.लि.लु.ले.लो.अ)

मेष राशि भएका जातको लागि हरेक मंगलबारको दिन नयाँ कामको सुरुवात गर्न सक्नेछन्। धनलाभ, स्वास्थ्यमा प्रतिकुलताविजयप्राप्त हुनेछ। शत्रुमाथिको विजयप्राप्ति हुने भएपनि आर्थिक व्याय र हानी हुने देखिन्छ। विलासिताको सामान खरिद र यात्रामा जाँदा अर्थहानी हुने संभावना रहन्छ। आजको दिन ऋण नलिनु होला।

वृष  (इ.उ.ए.ओ.वा.वि.वु.वे.वो)

अध्ययन अध्यापनमा समय दिनुभयो भने मनमा चिन्ता हटने छ।  आजको दिन यात्रा गर्न खोज्नु भएको छ भने त्यति फलदायी भन्दा यात्रा कष्टकर हुनेछ। यदी यात्रा गर्नै पर्ने छ भने पूर्व दिशा तर्फ फर्केर यात्रा सुरुवात गर्नुहोला। सामाजिक सेवा र अध्यात्म सेवाको काममा मन लगाउनु होला। बालक, बृद्धलाई भोजन र बस्त्र दान गर्नुभयो भने तपाईको मन खुसी हुनेछ।  

मिथुन (क.कि.कु.घ.ङ.छ.के.को.ह)

आजको दिन परिवार र आफन्तजनमा विवाद हुनसक्छ। त्यसैले मिथुन राशि भएका जातकले आजको दिन मौन रहनु ठीक होला। व्यापार व्यवसायमा रहेका साझेदारसँग अनावश्यक विवाद उत्पन्न हुनसक्छ त्यसैले मौन रहेर काम गर्दा तपाईंलाई निकै फाइदा हुन्छ। आवश्यक भन्दा बढी नबोल्ने, आफ्नो नियमित काम मात्र गर्ने ।

कर्कट (हि.हू.हे.हो.डा.डि.डु.डे.डो)

तपाईंको लागि आजको दिन अनुकल देखिन्छ। धनप्राप्तिको योग छ। नयाँ वस्त्र खरिद गरेर लगाउन सक्नुहुनेछ। आफन्त र मित्रजनबाट साथ सहयोग पाउनुहुनेछ । निराशा हटेर आशाका किरणहरू फैलने छन्। अर्थकारोबार गर्दा विचार गर्नुहोला। कसैलाई दिनुभएको सापटी रकम समेत तपाईंले पाउनुहुनेछ । कसैमाथि नकारात्मक सोचर काम नगर्नुहोला।

सिंह (मा.मि.मु.मे.मो.टा.टि.टु.टे)

आजको दिन तपाईले घर परिवार र मित्रहरूसँग अनावश्यक विवाद हुनसक्छ त्यसैले सिह राशिका जातकले विचार गर्नुहोस्। लामो दुरीको यात्रा पनि नगर्दा वेश हुनेछ। स्वास्थ्यमा प्रतिकुल असर र आर्थिक व्यय हुने सम्भावना बढी छ। अध्ययन अध्यापनको काममा बाधा उत्पन्न हुनसक्छ। तपाईंले विश्वास गरेको मित्रबाट तपाईलाई धोका हुनसक्छ । परिवारका सदस्यहरूसँग विवाद हुनसक्छ।  

कन्या (टो.प.पी.पू.ष.ण.ठ पे.पो)

दाम्पत्य जीवनमा सुख, समृद्धि हुने योजना तय हुन सक्छ।  मंगलबारका दिन कुनै नयाँ काम सुरुवात र मान सम्मान समेत मिल्नेछ। तपाईंले गरेको कामको मान सम्मान र व्यवसायमा समेत सोचेभन्दा बढी फाइदा हुनेछ। आजको दिन तपाईले केही कन्याहरूलाई फलफूल उपहार दिनु भयो भने तपाईको मनमा प्रसन्नता छाउनेछ।

तुला (रा.री.रु.रे.रो.ता.ती.तु.ते)

आजको दिन त्यति समय अनुकुल देखिदैन। अनावश्यक यात्रा र अनावश्यक खर्च व्ययभार बढ्ने छ। आफ्नो स्वास्थ्यमा ध्यान दिनुहोला। परिवारका सदस्यहरुमा समेत स्वास्थ्य समस्या हुनसक्छ त्यसैले आजको दिन तुला राशिको जातकहरुले कुनै पनि काम गर्दा ध्यान दिनुहोला। तपाईंले सोचअनुसार काम नहुँदा तपाईको मनमा अनेक प्रश्नहरु उठनसक्छन् ।

वृश्चिक (तो.ना.नि.नु.ने.नो.या.यि.यु)

ब्यापार ब्याबसायबाट लाभ हुने देखिन्छ। स्त्रीबाट साथ सहयोग मिल्नेछ। घरबाट बाहिर निस्कदा आमा, श्रीमति, छोरीहरुलाई जानकारी दिएर काममा निस्कनु भयो भने आजको दिन तपाईंको कार्य सफलता मिल्नेछ। आफन्त र मित्रजनहरुले भेटघाट र भोजनका लागि अनुरोध समेत गर्नेछन्। सरकारी काममा अवरोध आएको छ भने आजको दिन जानु भएमा काम छिटो हुनसक्छ। 

धनु (ये.यो.भा.भी.भु.ध.फा.ढ.भे) 

तपाईंले गरिरहनु भएको कामबाट आजको दिन  सफलता मिल्नेछ। तपाईंलाई साथ सहयोग दिने कुनै एकजना मित्र र आफन्तलाई आजको दिन भेट गर्नुभयो भने तपाईलाई सकारात्मक उर्जा भरिने छ। आजको दिन कसैलाई धन सापटी दिनुभयो भने फिर्ता हुने सम्भावना कम हुन्छ। व्यापार व्यवसायमा तपाईंले गरेको लगानीमा राम्रो प्रतिफल प्राप्त हुनेछ । चन्द्रमाको साथ रहेको छ।   

मकर भो.जा.जी.जू.जे.जो.ख.खि.खु.खे.खो.गा.गी)

मकर राशिका जातकले आजको दिन अध्यात्मिक कार्य गर्दा मनमा प्रसन्नता छाउने छ। आजको दिन तपाईले जे सोचेर काम गर्नुहुन्छ सफल हुनेछ। तपाईंले आज आफ्नो बसोबास भएकोे स्थानमा रहेको मठ मन्दिर वा गणेशको मन्दिरको दर्शन र हुनमान चालिसा पाठ गर्ने वा सुन्ने मात्रले पनि तपाईलाई उर्जा थप हुनेछ।

कुम्भ (गु.गे.गो.सा.सी.सु.से.सो.द)

समय गणना अनुसार आजको दिन अनुकुल देखिदैन, नियमित काम बाहेक अन्य काममा त्यति ध्यान नदिनु होला । यात्रा गर्नुभन्दा पहिले पूवै तयारी गर्नुहोला। आकस्मिक समस्या र मनमा अशान्त छाउने छ। तपाईंले सोचअनुसारको काममा कठिनाई हुनेछ । यदि व्यापार व्यवसायमा हुनुहुन्छ भने धैर्यपूर्वक कार्य गर्नुहोला। आजको दिन तपाईंले बालकलाई भोजन गराउनु भएकामा मनमा शान्ति मिल्नेछ । 

मीन(दी.दु.थ.झ.ञ.दे.दो.च.ची)

दाम्पत्य जीवनमा सुख प्राप्तिका लागि परिवारका सदस्यहरूसँग यात्रा गर्नुहोला। घरमा खानेकुरा किनेर ल्याइदा परिवारमा हर्ष छाउने छ। मीन राशिका जातकले मंगलबारको दिन लेख्ने र पढ्ने कामको सुरुवात गर्नसक्नुहुन्छ। कुनै नयाँ पुस्तक खरिद, वस्त्र खरिद र दान र शिवालय रदेवालयमा गएर भोकाहरुलाई खानेकुरा खान दिनुभयो भने तपाईंको उन्नती र प्रगति हुँदै जानेछ। सिर्जनात्मक कार्यमा सहभागी हुँदा नयाँ उत्साह थपिने छ।


 

प्रतिक्रिया दिनुहोस्