काठमाडौं । आज १ असोज २०७९, शनिबार । तदनुसार १७ सेप्टेम्बर २०२२ । आश्विन कृष्णपक्ष सप्तमी, अष्टमी श्राद्ध, बब करण, रोहिणी नक्षत्र, व्रज योग, चन्द्रमा वृष राशिमा रहेको छ। आज विश्वकर्मा दिवस हो।

आज सबैले आफ्नो सवारी साधनको पूजा गर्ने गर्दछन् । सवारी साधन चलाउने व्यक्तिले आफ्नो सवारी साधनको पूजा आराधना गर्ने दिन हो। आज बिहान सूर्योदय ५ः५० मा सूर्यास्त ६ः०७ मा हुनेछ। आजको देवता बरुण, ग्रहदेव चन्द्र रहेको छ।

शनिबारको दिन नजिकैको पिपलको वृक्षमा जल अभिषेक गर्नुहोला । शनि दशा अलि कडा भएको हुनाले यसको उपासना गर्नु उत्तम हुनेछ। नवग्रहहरुमध्ये शनि ग्रह अलि बढी दुःख दिने ग्रह मानिन्छ । शनिवारको दिन फलामको सामानहरू खरिद र दान गर्दा उत्तम हुनेछ।

आजको राशिफल ः

मेष (चु.चे.चो.ला.लि.लु.ले.लो.अ)

मेष राशिका जातकका लागि आजको दिन व्यापार व्यवसायबाट लाभ हुनेछ । परिवारको साथ सहयोगले मात्र तपाईको योजना सफल हुनेछ । यात्राको लागि सूर्योदय पछि मात्र निस्कनु उत्तम हुनेछ । यात्राबाट तपाईलाई फाइदा हुनसक्छ । यात्रा अघि घरका जेष्ठ र श्रेष्ठ सदस्यबाट आशीर्वाद लिएर मात्र हिँडनु होला । शनिको जप गर्नुहोला ।

वृष  (इ.उ.ए.ओ.वा.वि.वु.वे.वो)

वृष राशिका जातकका लागि आजको दिन व्यापार व्यवसायमा सोचेअनुसार  फाइदा हुन्छ। तपाईंको सकारात्मक हुन जरुरी छ। आफूभन्दा ठूला व्यक्तिसँग भेटघाट  गर्दा नयाँ कार्ययोजना बन्न सक्छ। कुनै देवालयको दर्शन गर्नुहोला। अर्थलाभ हुनेसक्ने छ त्यसैले सर्तक अप्नाउनुहोला । आजको दिन मौन रहनु उत्तम हुनेछ । चन्द्रमाको साथ रहेको छ । बिहानको सूर्योदयको दर्शन गर्नुहोला ।     

मिथुन (क.कि.कु.घ.ङ.छ.के.को.ह)

परिवार र आफन्तजनहरुले तपाईंमाथि अनेक आरोप लगाउन सक्नेछन्। समय कष्टकर हुनेछ, मनमा निराशा उत्पन्न हुनसक्छ। त्यसैले आजको दिन सकारात्मक सोच राखेर काम गर्नुभयो भने मात्र खुसी हुनसक्नु हुनेछ। आजको दिन परिवारका सदस्य  र अन्य कोही सदस्यसँग विवाद गर्दा पनि हानी हुनसक्छ । आजको दिन घर बाहिर निस्कनु यति लाभकारी हुनेछैन।

 कर्कट (हि.हू.हे.हो.डा.डि.डु.डे.डो)

कर्कट राशिका जातकले शनिबारको दिन विवाद र झगडा नगर्नुहोला। आजको दिन कसैसँग विवाद भयो भने तपाई र तपाइँसग विवाद गर्ने दुवै व्यक्तिको हानी हुनसक्छ। यात्रा गर्नुभयो भने अनावश्यक खर्च हुनेछ। शिवालय क्षेत्रमा गएर कुनै भोका व्यक्तिलाई खाना र वस्त्र दान दिनुहोला । शनिदेवको उपास्य गर्नु लाभदायी हुनेछ ।   

सिंह (मा.मि.मु.मे.मो.टा.टि.टु.टे)

तपाईंको लागि आजको दिन आफन्तजनबाट आर्थिक सहयोग प्राप्त हुनेछ। आजको दिन  तपाईमा उत्साह बढ्नेछ। दाम्पत्य जीवनमा सुख प्राप्त हुनसक्छ। सहयोगी आफन्त र मित्रहरुबाट साथ सहयोग हुनेछ। यात्राबाट पनि नयाँ योजना पनि बन्न सक्नेछ। बिहान सूर्योदयको दर्शन गरेर मात्र कार्य अगाडि बढाइदिनुहोला । परिवारका साथ मिष्ठान भोजन गर्नु उत्तम हुनेछ ।   

कन्या (टो.प.पी.पू.ष.ण.ठ पे.पो)

तपाईको कारण आफन्तसँग सम्बन्ध विग्रन सक्छ। अध्ययन अध्यापनबाट तपाईलाई सफलताप्राप्त हुनेछ। स्त्रीजातिको साथ सहयोगबाट कार्य गर्दा सफलता प्राप्त हुन्छ। साना कन्यालाई केही खानेकुरा र बस्त्र दान दिनु होला। शिवालय  यात्राले तपाईकालाई मनमा शान्ति प्राप्त हुनेछ । तपाईंले कसैलाई अपमान नगर्नुहोला। मौन रहनु उत्तम हुनेछ।   ं

तुला( रा.री.रु.रे.रो.ता.ती.तु.ते)

आजको दिन तपाईंको यात्रा कार्यमूलक हुनेछ। कुनै कामको सुरुवात गर्नुभएको छ भने त्यो कामको सम्पादन पूरा गर्नका लागि मेहनतपूर्वक लाग्नुहोला। कलाकारितामा र रचनात्मक काममा मन जानेछ। परिवारमा वा स्त्रीजातिहरुसँग विवाद हुनसक्छ, त्यसैले आजको दिन अर्थलाभ हुने कार्य गर्नुभयो भने फाइदा हुनेछ। शिवालयको यात्रा गर्नु उत्तम हुनेछ।   

वृश्चिक (तो.ना.नि.नु.ने.नो.या.यि.यु)

आजको दिन सकेसम्म कसैसँग विवाद हुने कुरा नगर्नुहोला। तपाईंलाई विवादबाट हानी मात्र हुनेछ। आर्थिक व्यय हुने संभावना छ। आजको दिन अनावश्यक खर्च हुनसक्ने संभावना रहेको छ होस् पुर्याउनु होला। आजको दिन गृहस्थ कर्म गरेर समय विताउनु भयो भने तपाईको भलाई हुनेछ। 

धनु (ये.यो.भा.भी.भु.ध.फा.ढ.भे)

आजको दिन तपाईले सोचअनुसारको काम हुनेछ। आफन्त र परिवारजनबाट साथ सहयोग हुनेछ। त्यसैले आजको दिन तपाईंलाई आजको दिन मानसम्मान समेत मिल्नेछ। सामाजिक र अध्यात्मसेवाका काम गर्नुहोला। सामाजिक कार्यबाट नैं तपाईलाई सकारात्मक उर्जा मिल्नेछ। सूर्योदयको दर्शन गर्नुहोला ।

मकर (भो.जा.जी.जू.जे.जो.ख.खि.खु.खे.खो.गा.गी)

आजको दिन देवालय र शिवालयको यात्राले  तपाईलाई मनमा प्रसन्नता छाउनेछ। विगतदेखि गर्दै आएको कामबाट मान सम्मान प्राप्त हुनेछ। सकारात्मक सोच राखेर काम गर्नुहोला। तपाईंको लागि अनावश्यक आरोप पनि लाग्न सक्छ। त्यसैले आजको दिन संमयताको खाँचो छ। आफ्नो नित्य कर्मयात्रामा निरन्तर लागिरहनु होला । विवाद हुने काम नगर्नुहोला ।

 कुम्भ (गु.गे.गो.सा.सी.सु.से.सो.द)

आजको दिन शनिदेवको मन्दिरमा पुगेर दर्शन गर्दा तपाईमा सकारात्मक सोच आउने छ।  दाम्पत्य जीवनमा सुख, समृद्धि प्राप्त हुनेछ, परिवारका जेष्ठ सदस्यलाई उपहार दिएर आशीर्वाद लिनु उत्तम हुनेछ। साना बालबालबालिकहरुलाई केही खाना र वस्त्र दान दिनुभयो भने तपाईको मनमा हर्ष छाउने छ । शनिदेवताको मन्त्रजप गर्नाले पनि तपाईलाई फाइदा हुनेछ । मौन रहनु तपाईंको लागि शुभ हुनेछ ।  

 मीन(दी.दु.थ.झ.ञ.दे.दो.च.ची)

आजको दिन अध्ययन अध्यापनमा समय विताउदा मीन राशिका जातका लागि फाइदा हुनेछ। बिहान पहिले सूर्योदयको दर्शन गनुहोला। गृहस्थ कर्ममा समय विताउनु होला । सामाजिक सेवा र चिन्तनको काममा समय दिनुहोला। नयाँ पुस्तक अध्ययन र सिर्जनात्मक लेखनका काममा लाग्नु होला । आजको दिन ध्यान, जप गर्दा आत्मिक शक्ति बृद्धि हुनेछ। आफ्नो काममा ध्यान दिनुहोला ।