काठमाडौं । आज १२ असोज २०७९, बुधबार । तद्नुसार सेप्टेम्बर महिनाको २८ तारिक २०२२ । आश्विनशुक्ल तृतीया, आज दुर्गा पक्षको तेस्रो दिन देवी चन्द्रघण्टाको पूजा आरधना गर्ने दिन हो। चित्रा नक्षत्र, वैधृति योग, चन्द्रमा तुला राशिमा रहेको छ । आज बिहान सूर्योदय ०५ः५६ मा भएको छ भने सूर्यास्त ०५ः५५ मा हुनेछ । बिहान ११ः५५ देखि ०१ः२५ सम्मको समय राहुकाल रहेको छ।

यो समयमा शुभकार्य नगर्नुहोला । आज देवता दिदी, ग्रहदेव गुरु रहेको छ । बुधबार घर, गृहस्थकालागि मर्मत, सफाईमा ध्यान दिनु उत्तम हुनेछ । नेपालीको महान पर्व दसैँ पनि सुरु भएकाले घर सरसफाइको काम बुधबारको दिन गर्न राम्रो मानिन्छ। आर्थिक कारोबारका कामका लागि आजको दिन राम्रो रहेको छ । ऋण लिने कामका लागि पनि दिन उत्तम छ । यात्राका लागि आजको दिन राम्रो रहेको छ।

मेष (चु.चे.चो.ला.लि.लु.ले.लो.अ)
मेष राशिको जातकको लागि आजको दिन आकस्मिक अर्थलाभ हुनेछ । दाम्पत्य जीवनमा खुसियाली र सुखद यात्रा हुने छ। स्वास्थ्यमा ध्यान दिनु आवश्यक छ। घर परिवारबाट सहयोग मिल्नेछ। विगतमा रोकिएका कामहरु सम्पन्न हुनेछ । नयाँ कामको थालनी समेत हुनेछ।

वृष (इ.उ.ए.ओ.वा.वि.वु.वे.वो)
आजको दिन मानसम्मान मिल्नेछ । शत्रुमाथि विजय प्राप्ति हुनेछ । आर्थिक लाभ हुनसक्ने छ । त्यसैले आजको दिन खर्च हुने काममा सोच पुर्याउनु होला । आजको दिन चन्द्रमाको साथ रहेको छ । त्यसैले सूर्यनारायणको दर्शन गरेर मात्र दिनको काम शुरुवात गर्नुहोला। आज सुरुवात गरेको काम समयमा सकिनेछ।

मिथुन (क.कि.कु.घ.ङ.छ.के.को.ह)
आजको दिन यात्रा गर्न लाग्नु भएको छ भने अलि कष्ट हुनसक्छ । मनमा चिन्ता छाउने छ। अध्ययन अध्यापनको काममा लाग्नु वेश हुनेछ । नयाँ पुस्तक पढ्ने गर्दा तपाईमा उर्जा प्राप्त हुन्छ । सकारात्मक सोच राखेर अघि बढ्नु राम्रो हुनेछ । आफ्नो नियमित काम बाहेक अन्य काममा चासो नदिनु वेश हुनेछ ।

कर्कट (हि.हू.हे.हो.डा.डि.डु.डे.डो)
आजको दिन कर्कट राशिका जातकका लागि पारिवारिक समस्याका कारण मनमा अनेक चिन्ता हुनसक्छ। आजको दिन मौन रहनु भलो हुनेछ । कसैसँग पनि वादविवाद गर्दा तपाईंको लागि अपमान हुनसक्छ । त्यसैले घर परिवार, मित्रमण्डलीहरुसँग विवाद हुने काम नगर्नु नैं वेश हुनेछ।

सिंह (मा.मि.मु.मे.मो.टा.टि.टु.टे)
आफन्तजनबाट आर्थिक सहयोग प्राप्त हुनसक्छ । यात्राका समस्या हुनसक्छ । मित्रमण्डलीको र परिवारको साथ पाउने योग रहेको छ । तपाईले गर्नुभएको कामबाट सन्तुष्ठ प्राप्ति होला । कर्म गरेको छु, फल अवस्थ प्राप्त हुन्छ भन्ने सोचका साथ सकारात्मक सोचका साथ कर्ममा लागिरहनु पर्नेछ ।

कन्या (टो.प.पी.पू.ष.ण.ठ पे.पो)
मानसिक असन्तोष, परिवारमा विवाद हुनसक्ने भएकाले परिवारका सदस्य र आफ्ना इष्टमित्रसँग विवाद नगर्नुहोला। कुनै नयाँ काम शुरु गर्न खोज्दा बाधा आउनसक्छ। आफूले गरिरहेको नियमित काममा खुसी खोज्नुहोस्। सकारात्मक सोच र देवालय शिवालयको दर्शन गर्नुहोला।

तुला( रा.री.रु.रे.रो.ता.ती.तु.ते)
तपाईले आजको दिन शुरु गरेको काम सफल हुनेछ। त्यसैले तपाईले आज सबैको भलाइ हुने काम गर्दा वेश हुनेछ। सामाजिक काममा लाग्ने गर्नुभएको छ भने मानसम्मान प्राप्त हुनेछ। तपाईंको मन समाजको हितको काममा लाग्नेछ । परिवार र आफन्तजनले तपाईले गरेको कामको निकै प्रसंशा गर्नेछन् । चन्द्रमाको साथ रहेको छ। बिहानको सूर्योदयको दर्शन गर्नुहोला।

वृश्चिक (तो.ना.नि.नु.ने.नो.या.यि.यु)
आफ्नो स्वास्थ्यमा ध्यान दिनुहोला। यात्रामा अनावश्यक समस्या आउनसक्छ। स्वाथ्स्यमा विशेष ख्याल राख्नुहोला। तपाईंले समय खर्च गरेर गरेको कामबाट सफलता प्राप्त नहुनसक्छ । त्यसको कारण तपाईमा चिन्ता उत्पन्न हुनसक्छ। अर्थलाभ हुने काममा ध्यान दिनु होला । कसैसँग विवाद हुने काम नगर्नुहोला।

धनु (ये.यो.भा.भी.भु.ध.फा.ढ.भे)
व्यापार व्यवसायबाट लाभ हुनेछ । सन्तानबाट साथ सहयोग, मित्रमण्डलीबाट नयाँ कार्ययोजना र आफन्तजनको सहयोग हुनेछ। धनु राशिका जातकको लागि आजको दिन कन्याहरुलाई भोजन र दान दिनुभएकामा तपाईको उन्नती र प्रगतिको बाटोहरु खुल्नेछन्। देवालयको दर्शनले तपाईलाई सकारात्मक सोच आउने छ।

मकर (भो.जा.जी.जू.जे.जो.ख.खि.खु.खे.खो.गा.गी)
सातामा आजको दिन कार्यसिद्धि हुनेछ । तपाईले गर्नु खोज्नुभएको काममा सफलता प्राप्त हुनेछ । विहान सूर्योदयको दर्शन गरेर यात्रा यात्रा गर्दा फलदायी हुनेछ । यदी यात्रा गर्नुछ भने पूर्व तर्फ फर्केर सुरुवात गर्नुहोला । परिवारका सदस्यहरु बीच सम्बन्ध राम्रो हुनेछ ।

कुम्भ (गु.गे.गो.सा.सी.सु.से.सो.द)
कुम्भ राशिका जातकको लागि आजको दिन स्वास्थ्य समस्या हुनसक्छ। मनमा अशान्ति जाग्नेछ। यस्तो अवस्थामा तपाई आफूबसेको स्थान नजिकको मठ मन्दिर जा देवालयमा जानु उत्तम हुनेछ। तपाईका लागि अनावश्यक आरोप पनि लाग्न सक्छ। परिवारका सदस्यहरुले तपाईको कामको अबमूल्यन गर्नसक्छन्।

मीन(दी.दु.थ.झ.ञ.दे.दो.च.ची)
सूर्योदयको दर्शन गर्न उत्तम हुनेछ। परिवारबाट छुट्निु पर्ने हुनसक्छ। यात्राको लागि अवसर आउनसक्छ। तपाईंले सोचअनुसारको काम हुनेछ। व्यापार व्यवसायबाट फाइदा हुनेछ । अध्ययन अध्यापनमा केही अवरोध आउनसक्छ। साँझको समयमा देवालय र शिवालयको यात्रा गर्दा मनमा शान्ति प्राप्त हुनेछ। सामाजिक काममा लाग्नु भएको छ भने मान सम्मान मिल्नेछ।