काठमाडौं । नेपाली कांग्रेसका महामन्त्री गगन थापा प्रतिनिधि सभा सदस्यका लागि काठमाडौँ-४ बाट विजयी भएका छन् । थापाले २१ हजार ३०२ मत प्राप्त गर्दा उनका निकटतम प्रतिद्वन्द्वी एमाले राजनकुमार भट्टराईले १३ हजार ८५५ मत प्राप्त गरे ।
राप्रपाका डा ठाकुर मोहन श्रेष्ठले ४ हजार ५० मत पाउँदा स्वतन्त्र अर्जुन कुमार पर्साइले २ हजार ३०८ मत पाएका थिए । थापाको जीतपछि उनका समर्थकहरुले मतगणना स्थलबाहिर नाचगान गरी खुसीयाली मनाएका छन् ।
