काठमाडौं । नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले डिल्लीबजार कारगारमा रहेका रेशम चौधरीसँग भेटवार्ता गरेका छन् ।
सुदूरपश्चिमबाट निर्वाचनमा नागरिक उन्मुक्ति पार्टीको उदय भएसँगै प्रचण्ड चौधरीलाई भेट्न डिल्लीबजार कारगारमै पुगेका हुन् । चौधरी कैलालीको टीकापुर हत्याकाण्डमा कैद सजाय पाएका अभियुक्त हुन् ।
नागरिक उन्मुक्ति पार्टीकी संयोजक रञ्जीता श्रेष्ठ कैलालीबाट प्रतिनिधिसभामा निर्वार्चित भएकी छन् । उनी पार्टीकी प्रमुखसमेत हुन । नागरिक उन्मुक्ति पार्टीले कैलालीमा प्रतिनिधिसभाका २ सिट जितेको छ । बर्दीयामा उनका बुबाले स्वतन्त्रबाट प्रतिनिधिसभामा जित निकालेका छन् ।
सुदूरपश्चिम प्रदेश सभामा पनि तीन सिट जितेको छ । डिल्लीबजार कारगारमा प्रचण्डले चौधरीसँग ३० मिनेटजति संवाद गरेको स्रोतले पुष्टि गरेको छ। भेटमा उनले सरकारलगायत अन्य विषयमा सहकार्य गर्न चौधरीलाई प्रस्ताव गरेको बताइएको छ।
प्रचण्ड र चौधरीको भेटलाई अर्थपूर्ण रूपमा लिइएको छ। भेट साँझ साढे ६ बजे भएको हो।
