धनगढी । कैलालीमा ग्रेडरको ठक्करबाट विद्यार्थीको मृत्यु भएपछि प्रशासनले जारी गरेको निषेधाज्ञा भोलि शनिबार बिहान सम्म कायम रहने भएको छ । कैलालीका प्रमुख जिल्ला अधिकारी किरण थापाले सूचना निकालेर निषेधाज्ञा शनिबार बिहान ४ बजेसम्मका लागि कायम रहने बताएका छन् ।
हिजो (बिहीबार) बिहान धनगढीमा ग्रेडरको ठक्करबाट १५ वर्षीया छात्राको मृत्यु भएको थियो । त्यसपछि स्थानीयबासिन्दा र विद्यार्थीले प्रदर्शन गरेपछि प्रशासनले निषेधाज्ञा लगाएको हो ।
