काठमाडौँ । भारताका लरेन्स बिश्नोई र बम्बिहा गिरोहको नाम फेरि चर्चामा छ । यी दुवै गिरोहले देशमा धेरै घटना गराइसकेका छन् । पञ्जाबबाट फरार गुण्डा नाइके सुखदुल सिंह उर्फ सुखाको क्यानडामा गोली हानी हत्या भएपछि यो गिरोह आज चर्चामा आएको हो। यो घटना क्यानडाको विनिपेगको हो । यो हत्याको जिम्मेवारी लरेन्स बिश्नोई गिरोहले लिएको छ । सुखा बम्बिहा गिरोहको सदस्य थिए । बम्बिहा गिरोह र लरेन्स गिरोहबीच लामो समयदेखि दुश्मनी चल्दै आएको छ । यो शत्रुताले पञ्जाबमा धेरैको ज्यान लिएको छ ।
लरेन्स बिश्नोई गिरोहको नाममा सामाजिक सञ्जालमा पोस्ट गरेर यो हत्याको जिम्मेवारी लिएको थियो । यस गिरोहले पोस्ट गरेको पोस्टमा लेखिएको थियो, “हो, सत श्री अकाल, राम राम। बम्बिहा ग्रुपका इन्चार्ज रहेका यी सुखा दुनाकेको क्यानडामा हत्या भएको छ । लरेन्स बिश्नोई समूहले यसको जिम्मेवारी लिन्छ। यो लागु औषध दुर्व्यसनीले आफ्नो लत तृप्त गर्न पैसा कमाउन कैयौँ घर ध्वस्त पारेको थियो ।
