आन्तरिक उत्पादनको आलु र प्याजमा भ्याट नलाग्ने



आलु र प्याजमा भ्याट

काठमाडौँ । आन्तरिक राजश्व विभागले आन्तरिक उत्पादनको आलु र प्याजको बिक्रीमा भ्याट (मूल्य अभिवृद्धि कर)नलाग्ने जानकारी गराएको छ । आलु र प्याजको बिक्रीमा भ्याट लगाइएको भन्दै व्यापारीले चार दिनदेखि सो वस्तुको कारोबार ठप्प गरेपछि विभागले आज एक सूचना जारी गरी आलु र प्याजको बिक्रीमा भ्याट नलाग्न जानकारी गराएको हो ।

जारी विज्ञप्तिमा भनिएको छ, ‘आन्तरिक कृषिजन्य उत्पादनलाई प्रवर्द्धन र संरक्षण गर्ने नेपाल सरकारको नीति अनुरूप नेपालमा उत्पादन भएका आलु, प्याजमा मूल्य अभिवृद्धि कर नलगाइएको र नलाग्ने ब्यहोरा सरोकारवाला सबैमा यसै सूचनाद्वारा जानकारी गराइन्छ । ’

सरकारले आर्थिक विधेयक–२०८० मार्फत भारतीय उत्पादनलाई निरुत्साहित गर्न आलु र प्याज (सुकेको बाहेक)मा १३ प्रतिशत भ्याट लगाएको थियो । सोको असर नेपाली उत्पादनमा परेको भन्दै व्यवसायीले आलु र व्याजको कारोबार ठप्प गरेका थिए ।

प्रतिक्रिया दिनुहोस्