मेरो सपना पूरा नभए पनि देशको सपना पूरा भएको छः सन्दीप लामिछाने



सन्दीप लामिछाने

काठमाडौँ । नेपाली क्रिकेटर सन्दीप लामिछानेले आफ्नो टी-२० विश्वकप खेल्ने सपना पूरा नहुने बताएका छन् । सोमबार सामाजिक सञ्जालमा स्टाटस लेख्दै आफ्नो टी-२० विश्वकप खेल्ने सपना पूरा नहुने बताएका हुन् । आफ्नो सपना पूरा नभए पनि देशको सपना पूरा भएकोप्रति उनले खुसी व्यक्त गरेका छन् । आज मात्रै नेपाल क्रिकेट संघ ९क्यान०ले उपप्रधानमन्त्री तथा परराष्ट्रमन्त्री नारायणकाजी श्रेष्ठलाई क्रिकेटर लामिछानेको भिसा प्रक्रियाका लागि पहल गरिदिन आग्रह गरेको थियो ।

क्यान अध्यक्ष चतुर बहादुर चन्दसहितका पदाधिकारी र लामिछानेसहितको टोलीले परराष्ट्रमन्त्री श्रेष्ठसँग भेटेर भिसाको प्रक्रियाका लागि पहल गरिदिन आग्रह गरेका हुन् । तर, परराष्ट्रमन्त्री श्रेष्ठसँगको छलफल सकारात्मक भए पनि दूतावासबाट भिसा नपाइने लामिछानेको स्टाटसबाट बुझ्न सकिन्छ ।

‘इमानदारितापूर्वक भन्छन्, मेरो सपना पूरा नभए पनि के कुरामा खुसी छु भने देशको सपना पूरा भएको छ ।’, निराश हुँदै उनले लेखेका छन् । नेपालले टी-२० विश्वकप खेल्ने तयारी गरिरहँदा लामिछाने भने भिसाको समस्याले गर्दा जान नपाउने भएका छन् ।

प्रतिक्रिया दिनुहोस्