मौद्रिक नीति जतिसुकै खुकुलो बनाइए पनि बढ्ने छैन घरजग्गा, गाडी र सेयर कारोबार 



रुषा थापा,भक्तपुर । रात परेपछि दिन आउँछ । मानिस जन्मिएपछि ढिलो चाँडो मर्नै पर्छ । र, विद्यालय गएपछि धेरथोर शिक्षा हासिल गरिन्छ । यो तीन वटा कुरा जोकोहीले पनि बुझ्नुपर्छ र बुझेका पनि हुन्छन् । अहिले अर्थविद्, विज्ञहरू राष्ट्र बैङ्कले मौद्रिक नीति खुकुलो ल्याएमा आफैँ घरजग्गा, गाडी र सेयर पहिलाको लयमा फर्किन्छ ।

अर्थविद्, विज्ञहरूमा किताबी ज्ञान मात्र देखियो, व्यावहारिकता देखिएन । मानिसले पढेको कुरा व्यवहारमा उतार्नुपर्छ । तर, यहाँ त बजारको अवस्थाबारे अध्ययन नै नगरी विज्ञ, अर्थविद्हरू मनलाग्दी बोलिरहेका छन् । बैङ्कहरू सर्वसाधारण जनता कर्जा माग्न आएनन् भन्छन् । बैङ्कले लाखौँ ऋणीलाई सडक छाप बनाएको छ ।

करोडको धितो लाखमा पचाएका छन् । अनि को जान्छ बैङ्कमा ऋण लिन रु जानीजानी कोही कुवामा हाम फाल्न जान्छ र ?अहिले बैङ्कमा कर्जा लिन जानु भनेको आफूले आफूलाई सकाउनु हो । बैङ्कले मानिसले उठीबास मात्र लगाएको छैन । कतिपयले वंश नै नाश भएको छ । बैङ्ककै कारण धेरै जनता आत्महत्या गर्न बाध्य भएका छन् ।

उनीहरू आफू त मर्छन् नै सँगै आफ्ना परिवार पनि सिद्ध्याउँछन् । अब राष्ट्र बैङ्कले घरजग्गा, गाडी र सेयरमा कर्जा प्रवाह जतिसुकै खुकुलो बनाए पनि सर्वसाधारणले लगानी गर्ने छैनन् । हिजो सिधासाधालाई दलालीहरूले नराम्ररी फसाए । घरजग्गा, गाडी र सेयरमा लगानी गर्दा राम्रो आम्दानी हुन्छ भन्दै दलालीहरूले जनता डुबाए ।

दलालीहरू आफू त उम्किए । अहिले घरजग्गा, गाडी र सेयरमा मन्दी आउँदा बैङ्कबाट ऋण लिएर यसमा लगानी गर्नेहरू मर्नु कि बाँच्नु अवस्थामा पुगेका छन् । हिजो नै घरजग्गा, गाडी र सेयरमा यसरी मन्दी आउँछ, मूल्य घट्छ भनेर थाहा पाएको भए कसले यसमा लगानी गर्थ्यो र ? सेयरमा ६५ लाख सर्वसाधारणको लगानी छ ।

उनीहरू सबै डुबेका छन् । बैङ्कले सय रुपैयाँमा निष्कासन गरेको सेयर दलालीले उनीहरूलाई ३५ सयदेखि पाँच हजारमा बेचे । अहिले सय रुपैयाँ कित्तामा समेत सेयर बिक्री हुँदैन । यता, आनाको लाख नपर्ने खेतीयोग्य जमिनलाई करोड हालेर किन्दा पनि त्यत्तिकै डुबिएका छन् । गाडीमा पनि यस्तै छ । एक लाख नपर्ने गाडी बिसौँ लाखमा खरिद गर्दा अधिकांश नराम्ररी फसेका छन् ।

अहिले बजारमा घरजग्गा, गाडी र सेयर बिक्री गर्न चाहने यत्तिकै भेटिन्छन् । तर, किन्ने कोही छैन । मालपोत र यातायात कार्यालयका कर्मचारीहरू सेवाग्राही कोही नआएपछि झिँगा धपाएर बसिरहेका छन् । लेखनदास, कानुन व्यवसायीहरूको पनि काम ठप्पै भएको छ । मुलुकभित्र जनता छन् । बाटोमा मानिसको चाप थेगि नसक्नु छ । यद्यपि, घरजग्गा, गाडी र सेयर किन्ने कोही छैन । किनकि एकातिर महानिमसँग पैसा छैन, अर्कोतिर अझै घरजग्गा, गाडी र सेयरको मूल्य घट्ने जोखिम छ ।

मुलुकमा ठुलो आर्थिक मन्दी आउँछ भनेर सबैले थाहा पाइसकेका छन् । अझै पनि अर्थविद्, विज्ञहरू भने राष्ट्र बैङ्कले मौद्रिक नीति खुकुलो ल्याएमा अर्थतन्त्र चलायमान हुने बताउँछन् । मानिसको उचाइ पनि बढ्ने एउटा निश्चित उमेर हुन्छ । सो उमेर कटेपछि मानिस चाहेर पनि बढ्न सक्दैन । त्यसरी नै घरजग्गा, गाडी र सेयरको पनि मूल्य बढ्ने सीमा सकिसकेको छ ।

चार दशकअघि काठमाडौँ उपत्यकासहित देशभर जग्गाको मूल्य कति थियो रु सेयरको मूल्य कति थियो ? र, गाडीको मूल्य कति थियो रु यो अर्थविद्, विज्ञहरूले बुझेनन् । के सधैँभरि घरजग्गा, गाडी र सेयरको मूल्य बढिरहन्छ रु ८०–८५ वर्ष उमेरका बुडाबुडीहरू भन्छन्, ‘हामी यही जन्मिएका हौँ । ०३५ सालमा माइतीघरदेखि तीनकुनेसम्म सडककै दायाबायाको जग्गा रोपनीको लाख रुपैयाँ थियो ।’

एक रोपनीमा १६ आना जग्गा हुन्छ । तर, अहिले त्यहाँ जग्गा आनाकै करोड पर्छ । ०३९ वर्षसम्म सरकारले अन्य मुलुकलाई खाद्यान्न बेच्थ्यो । कतिपय अवस्थामा खाद्यान्न अनुदानमा समेत दिन्थ्यो । अहिले विदेशीले खाद्यान्न नपठाए हामी नेपाली जनता भोक भोकै मर्नुपर्ने अवस्था छ । देशको खेतीयोग्य जमिन सबै प्लाटिङले सकिएको छ ।

खेतीयोग्य जमिनमा घर र बाटो बनाइएको छ । ०३५ सालमा काठमाडौँमा रोपनीको एक लाखमा किनेको जग्गा तीन वर्षअघि बेचेको भए ९६ करोड आउँन्थ्यो । तर, अहिले त्यो जग्गा सस्तोमा दिन्छु भन्दा समेत बिक्री भइरहेको छैन । घरजग्गा, गाडी र सेयरको मूल्य बढाउनुमा दलालीहरूको हात रहेको थियो । दलालीहरूले यसको मूल्य बढाउँदै लगे जनता फस्दै गए अनि सरकार राजस्व उठाउँदै गयो ।

सरकारले पनि बेलैमा ध्यान दिएन । दलालीहरूलाई जनता ठग्न छुट दियो । आज दलालीहरूकै कारण घरजग्गा, गाडी र सेयरमा लगानी गर्नेसँगै सहकारीमा बचत गरेका सर्वसाधारण समेत डुबेका छन् । अर्थविद्, विज्ञहरूको भनाइमा जनता अझै पनि मूर्ख छन् । र, अब पनि घरजग्गा, गाडी र सेयर किन्छन् ।

त्यसैले, उनीहरू मौद्रिक नीति खुकुलो बनाउन राष्ट्र बैङ्कलाई दबाब दिइरहेका छन् । हिजो बैङ्क तथा वित्तीय संस्थाहरूले सर्वसाधारणलाई ठग्नु ठगे, लुट्नु लुटे । करोडको धितो राखेर लाख रुपैयाँ ऋण दिए । चर्को सेवा शुल्क, ब्याज र घुस खाए । अनि तीन किस्ता नतिर्ने बित्तिकै ऋणीको उठीबास लगाए ।

भनिन्छ कि त पढेर सिकिन्छ कि परेर । हो, अहिले पनि कयौँ जनता अनपढ छन् । अशिक्षित छन् । तर, उनीहरूले बैङ्क, वित्तीय संस्थाहरूको असली रूप देखिसकेका छन् । उनीहरूले नपढेर पनि बुझिसकेका छन्, बैङ्क, वित्तीय संस्थाहरूको ठगी धन्दा । सर्वसाधारण जनता बैङ्क, वित्तीय संस्थाहरूको ठगी धन्दा बारेले पढेर होइन, परेर बुझे ।

बैङ्क तथा वित्तीय संस्थाको सबै कर्जा लगानी घरजग्गा, गाडी र सेयरमै छ । फेरि यी तीन क्षेत्रमा अहिले मन्दी छ । अहिले बैङ्कको आम्दानी घट्दै गएको छ भने खर्च बढ्दो छ । यसैले, सहकारी जसरी बैङ्क पनि डुब्ने आश‌का छ । बैङ्कले लिलाम गरेको घरजग्गा, गाडी र सेयर किन्ने कोही छैन । बैङ्कका कर्मचारीहरू होटेल, रेस्टुरेन्ट, सार्वजनिक स्थलहरूमा ग्राहक खोजेर हिँडिरहेका छन् ।

बैङ्कहरूले जनताको विश्वास गुमाइसकेका छन् । जनता यिनीहरू नङ्गिइसकेका छन् । बैङ्ककै कर्मचारीहरूले बचतकर्ता रकम हिनामिना गरेको कतिपय घटना बाहिरिएका छन् । यता, करोडौँको धितो लाखमा पचाएर ऋणीलाई धोती न टोपीको बनाइदिएका छन् । ठगहरूले क्षणिक समयमा मात्र ठग्न सक्छन् । किनकि ढिलो चाँडो सत्यको जीत भएरै छोड्छ, ।

हिजो सञ्चारकर्मीहरूको आँखामा छारो हालेर जनता र सरकारलाई भ्रममा पारेर बैङ्क तथा वित्तीय संस्थाहरूले ठग्दै आएका थिए । तर, बैङ्क, वित्तीय संस्थाहरूको ठगी धन्दा एकाएक बाहिरीपछि सर्वसाधारणको पनि आँखा खुलेको छ । त्यसैले, अब राष्ट्र बैङ्कले जतिसुकै खुकुलो नीति ल्याएपछि बैङ्क तथा वित्तीय संस्थाबाट ऋण लिएर कसैले पनि घरजग्गा, गाडी र सेयरमा लगानी गर्ने छैनन् ।

एक वर्षमा १२ महिना छ । त्यसमा छ महिना घाम लाग्छ र छ महिना पानी पर्छ । बैङ्क तथा वित्तीय संस्थाहरूको सधैँभरि यसरी नै ठग्ने सोचाई र घमन्ड थियो । तर, सर्वसाधारणले घरजग्गा, गाडी र सेयर नकिन्दा र बैङ्कमा ऋण लिन नजाँदा यिनीहरूको ठगी धन्दा पनि बन्द भएको छ । अब यिनीहरूले जनता ठग्न जस्तोसुकै नयाँ पोलिसी वा जुक्ति लगाएपछि सर्वसाधारण फस्ने छैनन् ।

प्रतिक्रिया दिनुहोस्