काठमाडौं : राष्ट्रियसभा अध्यक्ष गणेशप्रसाद तिमिल्सिनाले संघीय संसदको हिउँदे अधिवेशन पुस पहिलो साता सुरु हुने बताएका छन् ।
बुधबार राष्ट्रियसभा अन्तर्गतको राष्ट्रिय सरोकार तथा समन्वय समितिको बैठकमा अध्यक्ष तिमिल्सिनाले संघीय संसदको हिउँदे अधिवेशन पुस पहिलो साता सुरु हुने जानकारी दिएका हुन् ।
उनले नेपाली कांग्रेसको महासमिति बैठक पनि परेकाले पुसको पहिलो साताअघि हिउँदे अधिवेशन बोलाउन सकिने अवस्था नरहको स्पष्ट पारे । संसदको हिउँदे अधिवेशनमा संविधानसँग बाँझिएका कानुन संशोधन गर्ने सरकारको तयारी छ ।
उनले संसदीय समितिहरूलाई ठोस कार्ययोजना बनाएर सरकारको काम, कारवाहीको अनुगमन गर्न सचेत गराए ।
