संसद्काे दाेस्राे अधिवेशन अन्त्य हुँदै, महत्वपूर्ण विधयेक अलपत्र



काठमाडौं : चिकित्सा शिक्षा, नागरिकता संशोधनलगायत महत्वपूर्ण विधेयक पारित नहुँदै संघीय संसद्को दोस्रो अधिवेशन बिहीबार अन्त्य हुँदै छ। वैशाख २३ बाट सुरु भएको दोस्रो अधिवेशनले बजेट पारित, मौलिक हकसम्बन्धी कानुन निर्माण र राष्ट्रिय महत्वका विषयमा सरकारलाई निर्देशन दिएको थियो। तर केही महत्वपूर्ण विधेयक भने पारित नभर्इ अधिवेशन अन्त्य हुने भएकाे छ । 

संविधानको धारा ९३ मा राष्ट्रपतिबाट संघीय संसद्को अधिवेशन अन्त्य गर्ने व्यवस्था छ। तर प्रचलन भने सरकारको सिफारिसमा राष्ट्रपतिबाट अन्त्य गर्ने गरिएको छ। प्रधानमन्त्री केपी ओली संयुक्त राष्ट्रसंघको महासभामा जानुअघि बसेको मन्त्रिपरिषद् बैठकले असोज ११ गतेबाट अधिवेशन अन्त्यका लागि राष्ट्रपतिसमक्ष सिफारिस गर्ने निर्णय गरिसकेको मन्त्रिपरिषद् स्रोतले बतायो।

 

अधिवेशन अन्त्यसँगै नागरिकता संशोधन, चिकित्सा शिक्षा, लेखापरीक्षण, भुक्तानी तथा फछ्र्योट, बिमासम्बन्धी महत्वपूर्ण विधेयक भने अलपत्र परेका छन्। यी विधेयक प्रतिनिधिसभाका विभिन्न समितिमा विचाराधीन छन्।

 

अधिवेशन अन्त्य भए पनि जुन विधेयक जुन समितिमा जहाँ छन्, त्यसैअनुसार आगामी अधिवेशनको प्रक्रियामा जाने पूर्वसभामुख सुवास नेम्बाङले बताए । राष्ट्रियसभाले भने सबै विधेयक पारित गरेको छ।

 

प्रशासकीय अदालत, संकटापन्न वन्यजन्तु र वनस्पतिको अन्तर्राष्ट्रिय व्यापार नियन्त्रण र मुलुकी संहिता संशोधनसम्बन्धी विधेयक राष्ट्रियसभाले पारित गरे पनि प्रतिनिधिसभाबाट पारित हुन बाँकी छ। प्रतिनिधिसभाबाट पारित भएको राहदानीसम्बन्धी कानुनमा संशोधन विधेयक राष्ट्रियसभाबाट पारित हुन बाँकी छ।

 

बजेट अधिवेशन भए पनि यो अधिवेशनले संविधान कार्यान्वयनको महत्वपूर्ण मौलिक हकसम्बन्धी दर्जनौँ कानुन निर्माण गरेको प्रतिनिधिसभा उपसभामुख शिवमाया तुम्बाहाम्फेले बताइन्। ‘समयमै बजेट पारित भयो, मौलिक हकसम्बन्धी कानुन निर्माण भए र सरकारलाई महत्वपूर्ण निर्देशन दिने काम भयो’, उपसभामुख तुम्बाहाम्फेले भनिन्, ‘कामका हिसाबले यो अधिवेशन निकै महत्वपूर्ण रह्यो।’ बिहीबार बस्ने प्रतिनिधिसभामा दलका शीर्ष नेताले सम्बोधन गर्ने र अन्य बिजनेसमा प्रवेश नगराइने उनको भनाइ छ।

 

अधिवेशन अन्त्यसँगै सांसद भने फुर्सदिला बन्ने भएका छन्। दसैं, तिहारलगायत पर्व आउन लागेको र सांसदलाई आआफ्नो निर्वाचन क्षेत्रमा जान सहज हुने गरी अधिवेशन अन्त्य गर्न लागिएको संसद् सचिवालयका अधिकारी बताउँछन्। बजेट अधिवेशन भने चाडपर्वपछि मात्र आह्वान गर्ने सरकारले जानकारी दिएको छ । 

प्रतिक्रिया दिनुहोस्
मुख्य समाचार

काठमाडौं : बझाङकी १२ वर्षीया सम्झना कामीको बलात्कारपछि हत्या गरेको विरोधमा संघीय राजधानी काठमाडौमा प्रदर्शन

काठमाडौं : सरकारले कोभिड–१९ को जोखिम कायमै रहेकाले केही समय विद्यालय नखोल्न आग्रह गरेको छ

बझाङ : बझाङको मस्टा गाउँपालिकाकी सम्झनाको बलात्कारपछि हत्या भएको आशंका प्रहरीले गरेको छ । बाजे

काठमाडौंः कोरोना संक्रमणको कारण रोकिएको लोकसेवा आयोगको परीक्षा दशैं लगत्तै शुरु हुने भएको छ ।

कैलाली– विश्व रामसार सूचीमा सूचिकृत कैलालीको घोडाघोडी ताल क्षेत्रमा पछिल्लो समय पर्यटन प्रवद्र्धन हुन थालेको

काठमाडौं : धरानको बिपी कोइराला स्वास्थ्य विज्ञान प्रतिष्ठानमा थप दुई जना कोरोना संक्रमितको मृत्यु भएको

काठमाडौंः गृहमन्त्री रामबहादुर थापा ‘बादल’ छाङ्गरुमा सशस्त्र प्रहरीको गुल्म शिलान्यास गर्न दार्चुला गएका छन् ।

स्याङ्जा । पहिरोमा पुरिएर ज्यान गुमाएका नौ जनाको रामनदी धाम (राम्दी) मा बिहीबार साँझ सामूहिक

इन्डियन प्रिमियर लिग (आईपीएल) अन्तर्गत गएराति सम्पन्न खेलमा किंग्स इलेभेन पञ्जाबका सामू रोयल च्यालेन्जर बंगलोर

काठमाडौं : देशभर केही दिनयता परिरहेको झरी भोलि शनिबारदेखि कमजोर हुने देखिएको छ। बंगालको खाडीबाट

काठमाडौं : वैज्ञानिक वन व्यवस्थापन कार्यक्रमका नाममा व्यापक अनियमितता, भ्रष्टाचार र किर्ते गर्ने काम भएको

काठमाडौं– सांसदहरुले कोरोना भाइरसको विषयमा तथ्यगत जानकारी भन्दा भ्रमहरु बढी फैलिएकाले जनतामा आतंक सिर्जना भएको