काठमाडौं: चालू आर्थिक वर्षको पहिलो चौमासिकसम्म व्यापार घाटा चुलिँदै गएको पाइएको छ। आर्थिक वर्ष२०७५/७६को पहिलो चार महिनामा भएको वैदेशिक व्यापारको ९४.३ प्रतिशत हिस्सा आयात कै छ । पेट्रोलियम आयतको उच्च बृद्धिले व्यापार घाटा बढाउँदै गएको छ ।
नेपालले २९ अर्ब २८ करोड रुपैयाँको मात्र सामान निर्यात गर्न सकेको छ । ४ खर्ब ८३ अर्ब ७५ करोड रुपैयाँ सामान आयात भएको केन्द्रले जनाएको छ। यस अनुसार देशले चार महिनामा ४ खर्ब ५४ अर्ब ४७ करोड रुपैयाँ व्यापार घाटा बेहोर्नुपरेको छ ।
व्यापार तथा निकासी प्रवद्र्धन केन्द्रले सार्वजनिक गरेको विवरणअनुसार साउन, भदौ असोज र कार्तिकमा नेपालले ५ खर्ब १३ अर्ब रुपैयाँ बराबरको वैदेशिक व्यापार गरेको छ। योमध्ये निर्यातको हिस्सा ५.७ प्रतिशतमात्रै छ। अर्थात नेपालले २९ अर्ब २८ करोड रुपैयाँको मात्र सामान निर्यात गर्न सकेको छ । ४ खर्ब ८३ अर्ब ७५ करोड रुपैयाँ सामान आयात भएको केन्द्रले जनाएको छ। यस अनुसार देशले चार महिनामा ४ खर्ब ५४ अर्ब ४७ करोड रुपैयाँ व्यापार घाटा बेहोर्नुपरेको छ ।
आ.व. २०७४/७५ को पहिलोे चार महिनामा निर्यात भन्दा आयात १३.२ गुणाले बढी रहेकोमा समीक्षा अवधिमा आयात निर्यात अन्तर १६.५ गुणा पुगेको छ। समीक्षा अवधिमा नेपालको कुल निकासी १०.७ प्रतिशतले कुल पैठारीमा ३८.१ प्रतिशतले वृद्र्धि भएको देखाउँछ। पहिलो चौमासिकको यो तथ्याङकले नेपालको अर्थतन्त्र थप आयातमूखी बन्दै गएको पुष्टि गरेको छ। आ.व. २०७४/७५ को पहिलोे चार महिनामा निर्यात भन्दा आयात १३.२ गुणाले बढी रहेकोमा समीक्षा अवधिमा आयात निर्यात अन्तर १६.५ गुणा पुगेको छ।
आयातित बस्तुमा सबैभन्दा धेरै ६९ अर्ब ७ करोड ५८ लाख ४२ हजार रुपैयाँ बराबरको पेट्रोलियम पदार्थ नेपाल भित्रिएको छ। गत वर्ष सोही अवधिमा ४१ अर्व ७ करोड १५ लाख रुपैयाँको इन्धन आयात भएको थियो।यो गत वर्षको तुलनामा ६२ प्रतिशतले वृद्धि हो। दोस्रो धेरै आयात हुने वस्तुमा फलाम तथा फलामजन्य उत्पादन देखिएका छन्। यस्तो वस्तु चार महिनामा ५८ अर्ब २० करोड ४१ लख ४१ हजार रुपैयाँ बराबरको भित्रिएको नागरिकमा खवर छ ।
