काठमाडौं : डाक्टरहरुको स्वास्थ्य सेवामा चौतर्फी प्रश्न उठ्न थालेपछि हरेक पाँच वर्षमा उनीहरुको परीक्षा हुने भएको छ । गुणस्तरीय स्वास्थ्य सेवा र चिकित्सकको क्षमता वृद्धिका लागि भन्दै मेडिकल काउन्सिलले पाँच—पाँच वर्षमा परीक्षा लिन लागेको हो ।
यसअघि एकपटक लाइसेन्स पाएपछि सधैँका लागि सेवामा योग्य हुने व्यवस्था थियो ।
तर, अब हरेक पाँच बर्षमा हुने परीक्षामा सय नम्बर ल्याएपछि मात्रै लाइसेन्स नवीकरण हुने व्यवस्था गरिएको खबर आजको नयाँ पत्रिकामा छापिएको छ ।
