एजेन्सी : इंग्लिस प्रिमियर लिग अन्तर्गत आइतबार राति भएको खेलमा लिभरपुल विजयी भएको छ । लिभरपुलले एभर्टनलाई १–० ले हराएको हो ।
प्रतिस्पर्धात्मक खेलको इन्ज्युरी समयको अन्तिम समयमा डिभोक ओरिगीले गोल गरेपछि लिभरपुल तीन अंक जोड्न सफल भएको हो ।
इन्ज्युरी समयमा भर्जिल भ्यान डिकको प्रहार क्रशबारमा लागेको थियो । क्रशबारबाट झरेको बललाई भ्यान डिकले गोल गर्दै लिभरपुललाई अंक बाँढ्नबाट जोगाए ।
जितसँगै लिभरपुलले तालिकामा ३६ अंक बनाएको छ । शीर्ष स्थानको म्यानचेस्टर सिटीको ३८ अंक छ । लिभरपुल दोस्रो स्थानमा छ भने ३१ अंक सहित चेल्सी तेस्रो स्थानमा उक्लिएको छ ।
टोटनह्यामलाई हराएपछि आर्सनल पनि ३० अंक बनाउँदै चौथो स्थानमा उक्लिएको छ । समान अंक भए पनि गोल अन्तरमा पछि पर्दै टोटनह्याम पाँचौं स्थानमा छ ।
